Proverb 13:12 - Labib An Kreol Seselwa

¹² Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Proverb 13:12 ပူးပေါင်းရင်းမြစ်များ

Zenez 46:30

Izrael ti dir Zozef, “La aprezan ki mon'n war ou figir, mon kapab mor, akoz mon konnen ki ou ankor vivan.”

Nehemi 2:2

Alor, lerwa ti dir mwan, “Akoz ou annan en figir tris? Pourtan ou pa malad; kekfwa ou annan en sagrinasyon dan leker.” Mon ti per en kantite.

Psonm 143:7

SENYER! Reponn mwan vit. Mon lespri i trouble. Pa detourn ou vizaz avek mwan, sinon mon pou parey sa bann ki desann dan lemonn lanmor.

Psonm 17:15

Me mwan, mon pou war ou lazistis. Kan mon pou leve, mon pou pran plezir kontanple ou.

Psonm 69:3

Mon fatige afors kriye; mon lagorz i sek. Mon lizye i fatige afors esper mon Bondye.

Proverb 11:30

Fri en dimoun ki zis, i parey en pye dibwa ki donn lavi; me vyolans i fini par pran lavi.

Proverb 13:11

Larises ki'n ganny vit i disparet vit; me larises ki'n ganny anmase ptitapti ava ogmante.

Proverb 13:13

Sa enn ki pa ekout konsey i fer li menm ditor; sa enn ki respekte bann komannman, pou ganny rekonpanse.

Proverb 13:19

I en plezir kan en dimoun i realiz son dezir; sa enn ki bet, i deteste evit sa ki mal.

Proverb 3:18

Pour sa enn ki sezi li, lasazes i en pye dibwa ki donn lavi; sa enn ki gard li byen, i ganny deklare byennere.

Kantik Salomon 5:8

Bann fiy Zerizalenm! Mon sipliy zot: Si zot war mon byenneme, dir li mon ganny maladi lanmour.

Levanzil dapre Zan 16:22

Pour zot osi i parey: Aprezan, zot tris; me mon pou revwar zot apre. Alor, zot leker pou ranpli avek lazwa, e personn pa pou kapab aras zot sa lazwa.

Revelasyon 2:7

Sa enn ki annan zorey! Ekout sa ki Lespri i dir avek bann Legliz: Sa enn ki ranport laviktwar, mon pou donn li drwa manz fri pye dibwa ki donn lavi, ki dan paradi Bondye.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.