Proverb 12:6 - Labib An Kreol Seselwa

⁶ Parol bann malfeter i en latrap mortel; me parol bann ki drwat i delivre zot.

Proverb 12:6 ပူးပေါင်းရင်းမြစ်များ

Proverb 12:5

Dimoun onnet i mazin fer sa ki drwat; malfeter i mazin zis tronpe.

Proverb 14:3

Brans lorgey i bourzonnen dan labous en fou. Parol sorti dan labous en saz i protez li.

Ezai 59:7

Zot lipye i prese pour al fer sa ki mal; zot degaze pour fer koule disan inosan; zot mazin zis fer sa ki mal; zot semen i borde avek dezas ek dezolasyon.

Zeremi 5:26

Parmi mon pep, i annan bann ki koupab. Zot parey bann saser zwazo. Zot tal zot lasenn e veye, zot kasyet pour zot atrap dimoun.

Akt de Zapot 23:12

Lannmen bomaten, bann Zwif ti zwenn ansanm pour mont en konplo. Zot ti fer en serman ki zot pa pou ni manze, ni bwar, ziska ki zot in touy Pol.

Akt de Zapot 23:15

Alor, la sa ki zot, avek konsey, zot annan pour fer: Demann komandan pour anmenn Pol kot zot, swadizan pour rod plis lenformasyon lo son ka. Nou, nou pare pour touy li avan ki i ariv isi.”

Akt de Zapot 25:3

Zot ti sipliy Festis pour fer zot sa faver e fer Pol vin Zerizalenm. Annefe, zot ti'n form en konplo pour touy Pol dan semen.