Proverb 12:5 - Labib An Kreol Seselwa

⁵ Dimoun onnet i mazin fer sa ki drwat; malfeter i mazin zis tronpe.

Proverb 12:5 ပူးပေါင်းရင်းမြစ်များ

Psonm 119:15

Mon pou medit lo ou bann direktiv e fikse mon regar lo semen ki ou endike.

Psonm 139:23

Mon Bondye! Teste mwan e ou ava konnen ki mon annan lo mon leker. Egzamin mwan e ou ava dekouver mon lentansyon.

Proverb 11:23

Sa enn ki zis i kontan fer selman sa ki byen; En malfeter i trouv son lespwar dan vanzans.

Proverb 12:4

En bon fanm i fer lafyerte son mari; me en fanm ki fer onte, i parey en maladi dan lezo son mari.

Proverb 12:6

Parol bann malfeter i en latrap mortel; me parol bann ki drwat i delivre zot.

Proverb 14:8

En dimoun pridan i vey lo son kondwit, akoz i saz; me en sot i tonm dan betiz akoz i bet.

Proverb 24:9

En dimoun bet i mazin touzour fer pese. Zonm i deteste sa enn ki ensolan.

Ezai 55:7

Bann move dimoun devre sanz zot mannyer viv. Bann ki mazin fer sa ki mal devre abandonn zot move lespri e retourn ver SENYER ki ava pran konpasyon pour zot, ver nou Bondye, akoz i pardonn tou avek zenerozite.

Zeremi 4:14

Zabitan Zerizalenm! Si zot oule ganny delivre, lav zot leker avek tou son bann mesanste. Kan eski zot pou debaras zot avek zot bann move panse?

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Zeremi 9:5

Zot tou, zot tronp zot prosen. Personn pa dir laverite. Zot in byen egzers zot lalang pour koz manti. Zanmen zot pou arete.

Matye 2:16

Kan Herod ti realize ki sa bann savan ti'n zwe en trik avek li, i ti tre ankoler. I ti fer touy tou bann garson 2 an e mwens, dan Betlehenm e dan zalantour, dapre lepok ki sa bann savan ti'n dir li.

Matye 26:4

Ansanm, zot ti deside pour aret Zezi par riz e pour touy li.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

2 Korentyen 4:2

Nou'n fini rezet tou sa bann aksyon sekre oubyen ki fer onte. Nou pa fer nanryen pour tronp dimoun, e nou pa sanz Parol Bondye. O kontrer, nou montre laverite klerman. Nou fer tou pour ganny konfyans tou dimoun devan Bondye.