Proverb 12:23 - Labib An Kreol Seselwa

²³ En dimoun pridan i kasyet sa ki i konnen; me en fou i dir en ta betiz.

Proverb 12:23 ပူးပေါင်းရင်းမြစ်များ

Nehemi 2:12

Mon ti leve pandan lannwit, mwan, avek detrwa zonm, san dir personn, sa ki Bondye ti'n met dan mon leker pour fer an faver Zerizalenm. Ti napa okenn lot zannimo avek mwan, eksepte sa enn ki mon ti pe monte.

Nehemi 2:16

Bann sef pa ti konnen kote mon ti'n ale, ni ki mon ti pe fer. Ziska prezan, mon pa ti'n dir bann Zwif, ni bann pret, ni bann dimoun enportan, ni bann zofisye, e ni okenn lezot dimoun ki ti pou al fer sa travay.

Proverb 10:14

Konnesans i en trezor pour sa enn ki saz; me sa enn ki rabase pou anmenn larin.

Proverb 10:19

Kot i annan bokou koze, pese pa manke; sa enn ki konn kontrol son lalang i pridan.

Proverb 11:13

Sa enn ki rakont mansonz i osi devwal sekre; en konfidan i konn gard en sekre.

Proverb 13:16

Sa enn ki pridan i reflesir avan azir; me sa enn ki fou i montre son lafoli.

Proverb 14:33

Lasazes i repoz dan leker en zonm rezonnab; i ganny rekonnet menm parmi bann fou.

Proverb 15:2

Parol en saz i ogmant konnesans; me labous en fou i repann lafoli.

Proverb 18:2

Sa enn ki bet pa enterese konpran, me i zis oule fer letalaz son bann lide.

Proverb 29:11

En fou i tal tou son bann santiman; me sa enn ki saz i reste kalm.

Eklezyas 10:3

Ler en fou i marse lo semen, tou dimoun i war ki i fou akoz sa ki i fer napa sans.

1 Samyel 10:16

Sail ti reponn son tonton, “I ti asir nou ki bann bourik ti'n ganny trouve.” Me Sail pa ti dir li nanryen lo size larwayote ki Samyel ti'n koz lo la.