Proverb 12:18 - Labib An Kreol Seselwa

¹⁸ Bann parol anler i blese parey en lepe; me parol en saz i geri.

Proverb 12:18 ပူးပေါင်းရင်းမြစ်များ

Psonm 52:2

Tou lazournen, ou fer konplo zis pou detri; ou envant mansonz.

Psonm 57:4

Mon'n ganny antoure par bann lyon feros, bann zonm ki annan ledan parey lans ek dart. Zot lalang i koupe parey en lepe byen fite.

Psonm 57:5

Mon Bondye! Montre ou grander ki depas lesyel! Fer ou laglwar kouver later antye!

Psonm 59:7

Zot labous i deborde avek parol menas. Zot dir: Lekel ki pou antann nou?

Psonm 64:3

Zot fit zot lalang parey en lepe. Zot parol i anmer. Zot blese parey en dart anpwazonnen

Proverb 12:17

Sa enn ki dir laverite i rann en temwannyaz onnet; me en fo temwen pa dir laverite.

Proverb 13:17

En move mesaze i anmenn maler; en mesaze fidel i anmenn gerizon.

Proverb 15:4

En bon parol i parey en pye dibwa ki donn lavi; me en parol kriyel i kas leker.

Proverb 15:7

Labous sa enn ki saz i senm konnesans; me leker sa enn ki bet pa vo nanryen.

Proverb 16:24

Bann zoli parol i parey en gof dimyel; i dou dan pale e bon pour lekor.

Proverb 25:18

En zonm ki donn fo temwannyaz kont son prosen, i anmenmtan en gro baton, en lepe ek en fles pwent.

Proverb 4:22

Zot donn lavi ek lasante sa enn ki dekouver zot.

Danyel 11:33

Bann parmi lepep ki annan disernman, pou enstri bokou dimoun. Me pandan en pe letan, i annan ki pou tonbe: Serten pou mor par lepe, serten pou ganny brile dan laflanm, serten pou soufer dan prizon e zot byen pou ganny konfiske.

Revelasyon 1:16

Dan son lanmen drwat ti annan set zetwal. En lepe ki koup de kote ti sorti dan son labous e son figir ti koman soley midi, ler i pe tap avek tou son larder.

Revelasyon 22:2

I ti koul dan milye lari dan lavil. Lo de bor sa larivyer, ti annan pye dibwa lavi ki prodwi 12 rekolt, en rekolt par mwan. Fey sa pye dibwa i servi pour geri tou bann nasyon.