Proverb 11:5 - Labib An Kreol Seselwa

⁵ Lazistis en zonm onnet i gard li lo bon semen; me malfeter i tonbe akoz son mesanste.

Proverb 11:5 ပူးပေါင်းရင်းမြစ်များ

2 Samyel 17:23

Ler Ahitofel ti war ki zot pa ti'n aksepte son konsey, i ti sel son bourik, e al se li dan son lavil. I ti donn lord son fanmir, e al pann son lekor. Zot ti anter li dan latonm son papa.

Liv Zob 18:7

Avan, i ti mars avek konfyans; aprezan i mars pti pa; son bann proze pou fer li tonbe.

Proverb 1:18

Me sa bann zans i poz en latrap pour zot prop maler; zot zet en lasenn kont zot prop lavi.

Proverb 11:3

Lonnekte i gid sa enn ki zis; me mesanste sa enn ki fo, i anmenn son prop destriksyon.

Proverb 12:3

Mesanste pa met personn an sekirite; me nanryen pa pou fer tonbe sa enn ki zis.

Proverb 13:6

Lonnekte i protez sa enn ki azir byen. Mesanste i anmenn larin en malfeter.

Proverb 14:32

Malfeter i ganny kraze par son prop mesanste; me sa enn ki zis i gard konfyans menm devan lanmor.

Proverb 15:19

Semen sa enn ki pares i ranpli avek rons ek pikan; me semen sa enn ki drwat i lib e san problenm.

Proverb 21:29

Bann malfeter i pran en figir serye; Me sa enn ki drwat i reflesi lo son mannyer fer.

Proverb 28:18

Sa enn ki viv onnetman ava viv an sekirite; me sa enn ki anmenn en lavi doub, pou tonm dan enn bann latrap.

Proverb 3:6

Rekonnet li dan tou sa ki ou antreprann e i ava gid ou lo ou semen.

Proverb 5:22

Malfeter i ganny pri dan son prop latrap. Lasenn son pese i anpay li.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Oze 5:5

Lorgey Izrael i temwanny kont li. Efraim i tonbe akoz son fot, e Zida i tonm ansanm avek li.

Ziz 20:41

Bann Izraelit ti vir lo zot. Bann Benzamit ti sezi avek laper ler zot ti war maler ki ti'n tap zot.