Proverb 11:4 - Labib An Kreol Seselwa

⁴ Larises pa servi dan nanryen zour lakoler i leve; me lazistis i delivre dan lanmor.

Proverb 11:4 ပူးပေါင်းရင်းမြစ်များ

Zenez 7:1

SENYER ti dir Noe, “Antre dan lars, ou avek ou fanmir, akoz mon'n remarke ki dan sa zenerasyon zis ou ki fidel anver mwan.

Liv Zob 20:28

Zour lakoler Bondye pou leve, en lavalas pou balye tou sa ki i posede.

Proverb 10:2

Byen mal aki pa anmenn okenn benefis. Lazistis i delivre ou dan lanmor.

Proverb 12:28

I annan lavi lo semen lazistis; sa enn ki swiv sa semen pa pou mor.

Proverb 6:34

Annefe, zalouzi i met en mari dan lakoler vyolan e i san pitye ler i pran son revanz.

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Ezekyel 7:19

Zot pou zet zot larzan dan lari e zot lor pa pou annan plis valer ki salte, akoz ni zot larzan, ni zot lor pa pou kapab sov zot, zour SENYER ava montre son lakoler. Zot pou napa ase manze pour satisfer zot lapeti, zot vant pou reste vid. Zot lor ek zot larzan ki'n fer zot tonm dan pese.

Sofoni 1:18

Ni zot larzan, ni zot lor pa pou kapab sov zot. Dife son zalouzi pou devor later antye. Sa pou en destriksyon terib. Tou zabitan later pou ganny eksterminen.

Matye 16:26

Ki pou profit en dimoun, si i ganny lemonn antye, me i perdi son lavi? Oubyen ki i kapab donnen an lesanz pour son lavi?

Levanzil dapre Lik 12:20

Me Bondye ti dir li: Enbesil! Tanto menm ou pou bezwen rann kont ou lavi. Lekel ki pou ganny tou sa ki ou'n anmase?”

Romen 5:17

I vre ki akoz pese en sel dimoun, akoz sa sel zonm, lanmor in pran pouvwar. Me, par Zezi-Kri li tousel, nou ganny plis ankor: Tou dimoun ki resevwar lagras Bondye annabondans ek don gratwi son lazistis, pou viv e rennyen gras a Zezi-Kri.

1 Timote 4:8

I vre ki legzersis fizik i itil, me i napa en gran valer konpare avek fidelite anver Bondye ki pli itil. Annefe, sa enn ki fidel anver Bondye i posed promes lavi dan letan prezan e dan lavenir.