Proverb 11:20 - Labib An Kreol Seselwa

²⁰ SENYER i deteste dimoun ki fourb; i kontan dimoun onnet.

Proverb 11:20 ပူးပေါင်းရင်းမြစ်များ

1 Kronik 29:17

SENYER! Mon konnen ki ou konn nou leker e ki ou pran plezir dan ladrwatir. Alor, avek en leker drwat ki mon'n ofer ou, volonterman, tou sa bann keksoz. Mon dan lazwa aprezan, ler mon war ou pep rasanble isi, pe ofer ou avek lazwa e volonterman.

Psonm 101:4

Mon pa pou frekant dimoun malonnet; mon pa pou annan nanryen pour fer avek lemal.

Psonm 11:7

SENYER i zis. I kontan bann aksyon ki zis. Dimoun ki leker i pir ava kapab regard li anfas.

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 140:13

Dimoun ki zis pou selebre ou non; dimoun ki drwat pou viv dan ou prezans.

Psonm 51:6

Me ou kontan laverite ki dan fon leker. Alor, dan pli profon mon leker, fer mwan konn lasazes.

Proverb 11:21

En malfeter pou sirman ganny pini; me desandans sa enn ki zis pou ganny sove.

Proverb 12:22

SENYER i deteste sa enn ki koz lalang. I kontan sa enn ki dir laverite.

Proverb 13:6

Lonnekte i protez sa enn ki azir byen. Mesanste i anmenn larin en malfeter.

Proverb 14:9

Bann fou pa krwar i neseser repar en fot; me bann dimoun drwat i rod faver Bondye.

Proverb 15:26

SENYER i deteste sa enn ki annan move lentansyon; me bann bon parol i fer li plezir.

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Proverb 16:17

Semen sa enn ki drwat i evit lemal; sa enn ki vey lo son mannyer viv, i protez son lavi.

Proverb 21:29

Bann malfeter i pran en figir serye; Me sa enn ki drwat i reflesi lo son mannyer fer.

Proverb 3:32

akoz SENYER i deteste sa enn ki fourb; me i partaz son bann sekre avek sa enn ki drwat.

Proverb 6:14

Son lespri i rod fer sa ki mal, i pe touzour prepar en move kou e provok dispit.

Proverb 8:13

Ler ou annan respe anver SENYER, ou deteste sa ki mal. Mon deteste lorgey ek larogans, movez aksyon ek mansonz.

Proverb 9:7

Sa enn ki koriz en ensolan, i ganny meprize; sa enn ki repros en malfeter i ganny ensilte.