Proverb 11:19 - Labib An Kreol Seselwa

¹⁹ Sa enn ki fer sa ki zis pou viv; me sa enn ki prefer sa ki mal pou mor.

Proverb 11:19 ပူးပေါင်းရင်းမြစ်များ

2 Rwa 1:16

I ti dir lerwa, “La sa ki SENYER i deklare: Ou'n anvoy bann mesaze pour al konsilte Baal-Zeboub, bondye Ekronn. Eski napa Bondye dan Izrael pour ou konsilte? Pour sa rezon, ou pa pou desann lo sa lili kot ou ete; ou pou mor.”

2 Rwa 1:4

La sa ki SENYER i deklare: Ou pa pou sorti lo sa lili kot ou ete; ou pou mor.” Apre, Eli ti ale.

Proverb 10:16

Lapey sa enn ki zis i donn lavi; me saler en malfeter i anmenn li dan pese.

Proverb 11:4

Larises pa servi dan nanryen zour lakoler i leve; me lazistis i delivre dan lanmor.

Proverb 12:28

I annan lavi lo semen lazistis; sa enn ki swiv sa semen pa pou mor.

Proverb 19:23

Respe anver SENYER i anmenn lavi; ou al dormi rasazye e maler pa tonm lo ou.

Proverb 21:16

Sa enn ki abandonn semen konnesans, pou fini dan lasanble dimoun mor.

Proverb 21:21

Sa enn ki rod lazistis ek lafidelite, pour dekouver lavi, lazistis ek loner.

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Akt de Zapot 10:35

me dan nenport ki nasyon, tou dimoun ki annan respe pour li e ki fer sa ki byen, Bondye i kontan zot.

Romen 6:23

Annefe, lapey pour pese i lanmor, me don gratwi ki Bondye i donnen, i lavi eternel dan linyon avek Zezi-Kri, nou Senyer.

Deterononm 16:20

Ou ava rod lazistis e zis lazistis. Konmsa, ou ava kapab viv e pran posesyon pei ki SENYER, ou Bondye pou donn ou.

Let Zak 1:15

Alor, en fwa ki move dezir in ganny formen, i donn nesans pese, e kan pese in devlope, i anmenn lanmor.

1 Zan 3:10

La sa ki fer diferans ant zanfan Bondye ek zanfan dyab: Sa enn ki pa pratik lazistis, oubyen ki pa kontan son frer, i pa en zanfan Bondye.

1 Zan 3:7

Mon bann zanfan! Pa les personn tronp zot. Sa enn ki pratik lazistis, li osi i zis, parey Zezi-Kri li menm i zis.