Proverb 1:31 - Labib An Kreol Seselwa

³¹ zot ava siport konsekans zot mannyer viv e degout zot prop rabasman.

Proverb 1:31 ပူးပေါင်းရင်းမြစ်များ

Liv Zob 4:8

La sa ki mon'n remarke: Dimoun ki kiltiv lenzistis e ki senm lanmizer, pou rekolte sa ki zot in senmen.

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Proverb 13:2

En bon dimoun i rekolte fri sa ki i dir. Dimoun malonnet i konn zis vyolans.

Proverb 14:14

Sa enn ki viv nenport koman, ava ganny sa ki i merite. En bon dimoun ava ganny sa ki i merite.

Proverb 22:8

Sa enn ki senm lenzistis pou rekolte maler; e son lakoler pou ganny detri.

Proverb 5:22

Malfeter i ganny pri dan son prop latrap. Lasenn son pese i anpay li.

Proverb 5:23

I mor akoz i pa'n ganny elve. I perdi dan son gran lafoli.

Proverb 8:36

Me dimoun ki ofans mwan, i fer son prop lekor ditor. Dimoun ki ay mwan, zot kontan lanmor.

Ezai 66:4

Mwan osi, mon pou ganny kontantman dan zot maler e fer tonm lo zot sa ki ti fer zot per; akoz, mon ti apele, me personn pa ti reponn; ler mon ti koze, zot pa ti ekoute; me zot ti fer tou sa ki ti depler mwan; zot ti swazir sa ki pa fer mwan plezir.

Zeremi 14:16

Sa bann dimoun avek ki zot in anons lavenir, zot osi, zot pou mor dan menm fason. Zot lekor pou ganny zete dan bann lari Zerizalenm, e pa pou annan personn pour anter zot. Sa pou ariv avek zot tou: Fanm, garson ek fiy. Mon pou fer zot mesanste retonm lo zot menm.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 21:14

Mon pou fer ou rann kont, dapre ou bann aksyon, SENYER i deklare. Mon pou met dife avek ou lafore; sa dife pou bril tou sa ki dan zalantour.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Ezekyel 22:31

Alor, mon'n devers mon lakoler kont zot. Mon'n bril zot avek dife mon lakoler. Mon'n fer zot pey konsekans zot move konportman. Senyer BONDYE ki deklare.