Oze 9:7 - Labib An Kreol Seselwa

⁷ Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Oze 9:7 ပူးပေါင်းရင်းမြစ်များ

2 Rwa 9:11

Kan Zehou ti sorti pour al kot bann zofisye son met, zot ti demann li, “Eski tou keksoz i byen? Akoz sa zonm fou ti vin kot ou?” I ti dir zot, “Zot konn byen sa zonm e son fason koze.”

Ezai 10:3

Ki ou pou fer zour pinisyon, kan maler i arive sorti lwen? Kot ou pou taye pou rod led e kote ou pou kit ou larises?

Ezai 26:11

SENYER! Ou lanmen in leve, me zot pa war. Kan zot ava war sa gran pasyon ki ou annan pour ou pep, zot ava kanmi. Dife ki'n ganny alimen pour bann lennmi ava bril zot.

Ezai 34:8

I en zour vanzans pour SENYER; en lannen regle kont dan faver Siyon.

Ezai 44:25

Mon defet siny bann ki vantar e fer bann deviner derezonnen e rann zot konnesans bet.

Zeremi 10:15

Zot napa okenn valer, zot en travay ridikil. Zour zizman, zot pou ganny detri.

Zeremi 11:23

Personn pa pou reste vivan: Mon pou fer maler tonm lo bann zabitan Anatot, dan lannen ki zot pou rann kont.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Zeremi 23:13

Mon'n war pese ki bann profet dan Samari ti fer: Zot ti profetize lo non Baal e zot in anmenn Izrael, mon pep, lo move semen.

Zeremi 25:14

Mon pou fer bann Babilonyen peye pour sa ki zot in fer. Zot pou anba dominasyon bokou nasyon ek bann gran pwisans. Konmsa mon pou fer zot rann kont pour zot aksyon e ditor ki zot in fer.

Zeremi 29:26

SENYER in nonm ou pret dan plas Yoyada, pour ou an sarz tanp SENYER. I ou devwar alor, pour veye ki okenn fou ki pretann i en profet, i ganny atase ek en lasenn e en kolye feray otour son likou.

Zeremi 46:21

Menm bann mersener byen angrese parey bann toro ti vire e sove san okenn rezistans. Akoz sa zour katastrof ti'n tonm lo zot, zot zour rann kont ti'n arive.

Zeremi 6:14

Zot pa pran gran ka avek dezas ki frap mon pep. Zot dir ki tou i byen alor ki tou pa pe mars byen.

Zeremi 8:11

Zot pa pran seryezman katastrof ki'n frap mon pep. Zot kontinyen dir: Tou keksoz i byen, tou keksoz i byen; alor ki tou i mal.

Lamantasyon 2:14

Ou bann profet ti ganny bokou vizyon ki ti zis mansonz pour anbet ou. Si zot ti'n fer ou konn ou fot, ou sityasyon ti ava'n kapab sanze. Me zot mesaz ti zis mansonz.

Ezekyel 13:10

Annefe, zot in tronp mon pep kan zot in dir: Tou i byen! Alor ki tou ti mal. Kan mon pep i konstri en miray, sa bann profet i kontante zis blansi li avek laso.

Ezekyel 13:3

La sa ki Senyer BONDYE i deklare: Maler lo zot, bann profet fou ki swiv zot prop lenspirasyon, san ganny okenn vizyon.

Ezekyel 25:17

Mon pou egzekit mon vanzans e pini zot avek lakoler. Alor, zot ava santi mon vanzans e zot ava konnen ki mwan menm SENYER.

Ezekyel 38:23

Konmsa ki mon pou montre tou nasyon ki mon en Bondye gran e sen. Alor, zot ava konnen ki mwan menm SENYER.

Ezekyel 9:10

Mwan, mon pa pou montre okenn konpasyon, ni pitye pour personn, me mon pou fer zot siport konsekans zot bann aksyon.”

Oze 14:1

Izrael! Retourn ver SENYER ou Bondye. Ou fot in fer ou tonbe.

Oze 5:9

Zour SENYER i pini Efraim, i pou vin zis en dezer. Sa ki mon pe anons Izrael i en fe serten.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:8

Bondye in anvoy son profet pour vey lo Efraim; me zot met latrap pour li partou; i ganny atake menm dan tanp Bondye.

Amos 8:2

SENYER ti demann mwan, “Amos, ki ou war?” Mon ti reponn “En pannyen fri mir.” Alor, SENYER ti dir mwan: Letan lafen pour mon pep Izrael, in arive. Mon pa pou eparny li.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Mise 7:4

Sa enn ki meyer parmi zot i parey rons. Sa enn ki pli onnet i pir ki en zarbis pikan. Sa zour rann kont ki bann santinel in anonse, in arive. Aprezan, zot dan konfizyon.

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.

Mark 3:21

Kan serten manm son fanmir ti antann sa nouvel, zot ti ale pour esey kontrol li, akoz dimoun ti pe dir ki i'n perdi latet.

Levanzil dapre Lik 21:22

Sa pou bann zour vanzans, pour ki tou sa ki'n ekri, i ganny akonpli.

2 Korentyen 5:13

Si i vre ki nou fou, se pour Bondye ki nou fou. Me si nou rezonnab, se pour zot.

Revelasyon 16:19

Sa gran lavil ti diviz an trwa parti. Bann lavil dan bann pei antye ti ganny detri. Alor, Bondye ti rapel gran Babilonn e i ti fer li bwar lakoup diven son gran lakoler.