Oze 9:4 - Labib An Kreol Seselwa

⁴ I pa pou vers lofrann diven devan SENYER; zot sakrifis pa pou fer li plezir. I pou koman en dipen dey, tou sa ki manze pou vin enpir; sa dipen pou zis pour zot vant; i pa pou antre dan tanp SENYER.

Oze 9:4 ပူးပေါင်းရင်းမြစ်များ

Egzod 29:40

Avek premye zenn mouton, ou ava ofer trwa kilo lafarin meyer kalite, en lit edmi delwil meyer kalite e en lit edmi diven pour lofrann labwason.

Egzod 40:23

I ti depoz dipen devan SENYER, parey SENYER ti'n ordonn li.

Ezai 57:6

Parmi bann ros poli dan vale, sanmenm sa par ki vin pour zot. Zot in ofer sakrifis labwason; zot in anmenn sakrifis sereal. Eski zot krwar ki tousala i kapab apez mwan?

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Zeremi 16:7

Personn pa pou ofer manze dimoun ki an dey, ni rekonfort li dan son lapenn. Personn pa pou donn zot keksoz pour bwar, menm si i zot papa oubyen zot manman ki'n mor.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Ezekyel 24:17

Pa les tande ou soupir, pa les war siny dey. Atas ou tirban e met ou sandal. Pa kouver ou moustas e pa manz sa ki dimoun an dey i manze.

Ezekyel 24:22

Zot ava fer parey mwan: Pa kouver zot moustas, ni manz sa ki dimoun an dey i manze.

Danyel 1:8

Danyel ti deside pour pa rann li enpir avek manze lerwa ek diven lerwa. Alor, i ti demann sef zofisye dan pale rwayal pour pa obliz li rann li enpir.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Zoel 1:13

Zot bann pret! Met zot lenz dey! Lamante, zot ki servi lo lotel! Antre dan tanp e pas lannwit dan lenz dey. Lamante, zot bann serviter Bondye! I nepli annan lofrann vezetal ek lofrann diven dan tanp zot Bondye.

Zoel 1:9

Personn nepli anmenn lofrann vezetal, ni lofrann labwason dan tanp SENYER.

Zoel 2:14

Petet i ava sanz son desizyon, e donn ou son benediksyon! Alor, ofer SENYER, ou Bondye en lofrann dible ek diven.

Levitik 17:11

Annefe, lavi en kreatir i dan son disan. Mon'n donn li pour zot fer rityel pardon lo lotel pour zot lavi. Se avek disan ki rityel pardon pese i ganny fer, akoz disan i lavi.

Levitik 21:17

Dir avek Aaron: Atraver tou bann zenerasyon, okenn zonm parmi ou bann desandan ki annan en diformite, pa pou kapab prezant nouritir devan Bondye.

Levitik 21:21

Okenn desandan pret Aaron ki enfirm pa kapab prezant li devan SENYER pour ofer bann lofrann brile par dife. I annan en diformite, i pa pou kapab prezant devan Bondye, pour ofer li nouritir.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Malasi 2:13

La ankor sa ki zot fer: Zot vin kouver lotel SENYER avek larm. Zot sanglote e fer gro tapaz, akoz i nepli pran ka, ni aksepte zot lofrann ki zot anmenn kot li.

Nonm 19:11

En dimoun ki tous nenport lekor mor, pou reste enpir pandan set zour.

Nonm 28:2

Donn sa bann lord pep Izrael: Dan letan fikse, zot ava ofer mon lofrann mon nouritir, brile par dife, ki donn loder ki fer mwan plezir.

Nonm 4:7

Lo latab lofrann dipen, zot ava tal en tapi kouler ble e apre met bann pla. Zot ava met bann lakoup, bann bol, flakon delwil. Zot ava osi met Dipen pour lofrann permanan lo sa latab.

Levanzil dapre Zan 6:51

Mwan menm mwan sa dipen vivan ki sorti dan lesyel. Sa enn ki manz sa dipen ava viv pour touzour. Dipen ki mon pou donn li, se mon laser ki mon donnen pour ki lemonn i viv.”

Deterononm 26:14

Mon pa'n manz okenn par ler mon ti an dey; mon pa'n tir okenn par ler mon ti enpir; mon pa'n ofer okenn par pour en lanmor. Mon'n obei SENYER mon Bondye; mon'n azir parey i ti ordonn mwan.