Oze 9:2 - Labib An Kreol Seselwa

² Ou pa pou ganny ni dible ni diven nouvo ki ou pe espere.

Oze 9:2 ပူးပေါင်းရင်းမြစ်များ

Zenez 50:10

Kan zot ti ariv Atad, dan drwa kot i bat dible, lot kote larivyer Zourden, zot ti plere e fer en gran lamantasyon. Zozef ti pler son papa pandan set zour.

Oze 2:11

Mon pou fer arete son bann lanmizman, son bann lafet, son bann lafet nouvellin, son bann saba ek tou lezot seremoni.

Oze 2:12

Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Oze 2:9

Pour sa rezon, mon pou vin repran mon dible dan letan rekolt, ek mon diven nouvo dan son sezon. Mon pou repran mon lalenn ek mon latwal ki i servi pour kouver son touni.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Agze 1:9

Zot ti espere rekolte bokou, me zot pa'n rekolte bokou. Sa ki zot in anmenn dan lakour, mon'n soufle lo la e fer li anvole. Akoz? SENYER liniver, i demande. Akoz zot, zot touzour okipe avek zot prop lakaz, tandis ki mon tanp in vin zis en ta debri.

Agze 2:16

ki ti arive avek ou? Kan enn ti al pran 20 mezir, i ti trouv zis 10; kan i ti al rod 50 mezir diven dan resipyan 50 mezir, ti annan zis 20 mezir.