Oze 9:15 - Labib An Kreol Seselwa

¹⁵ Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Oze 9:15 ပူးပေါင်းရင်းမြစ်များ

Psonm 78:60

I ti abandonn son demer Silo, landrwa kot i ti reste parmi bann imen.

Ezai 1:23

Ou bann sef in vin rebel; zot konplis avek voler. Zot tou zot kontan pran gous. Zot tou zot kontan kado. Zot pa defann bann orfelen. Zot pa ekout ka bann vev.

Zeremi 11:15

Ki mon byenneme i vin fer dan mon tanp? I pa pe azir avek senserite. Eski son bann ve ek son bann lavyann sakre, i kapab fer li sape dan son maler?

Zeremi 12:8

Mon prop pep ki mon'n swazir in vir kont mwan. Parey en lyon dan lafore, in kriy avek mwan. Sa i fer mwan deteste li.

Zeremi 15:1

La sa ki SENYER ti dir mwan: Menm si Moiz ek Samyel ti ava debout devan mwan, mon pa ti pou pran pitye pour sa pep. Sas zot devan mwan, fer zot ale.

Zeremi 3:8

In osi war sa ki'n arive avek rwayonm Izrael kan i ti tourn kont mwan. Akoz in komet adilter, mon'n divorse avek li e mon'n sas li. Malgre sa, Zida, son swadizan ser, sa tret, pa'n per mon pinisyon, e li osi, in al dan prostitisyon.

Zeremi 5:5

Mon pou al war bann sef e mon pou koz avek zot. San okenn dout, zot konn lavolonte SENYER, sa ki Bondye i demann zot fer. Me, zot tou, zot parey: Zot in revolte kont lotorite Bondye, e refize obeir li.

Ezekyel 22:27

Zot bann prens i parey loulou ki desir son viktim. Zot touy dimoun pour akapar zot byen.

Ezekyel 23:18

I ti'n tonm dan prostitisyon, tir li touni an piblik; mon ti kit li avek degou, parey mon ti kit son ser.

Oze 1:6

Gomer ti ansent ankor e i ti ganny en fiy. SENYER ti dir Oze: Ou ava apel li Lo-Rouama, savedir: Sa ki mon pa kontan. Mon pou nepli kontan pep Izrael e kontinyen pardonn zot.

Oze 1:9

SENYER ti dir Oze: Apel li Lo-Ami, savedir: Pa mon pep. Annefe, ou pa mon pep, e mwan mon pa egziste pour ou.

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 3:4

Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Oze 4:15

Izrael, ou'n tonm dan prostitisyon, pourvi ki Zida pa tonm dan menm fot. Pa bezwen al Gilgal, pa mont Bet-Aven, e pa pronons en serman pour dir: Par SENYER ki vivan.

Oze 4:9

Mon pou tret lepep ek bann pret parey. Mon pou fer zot rann kont pour zot konportman. Mon pou fer zot peye pour zot aksyon.

Oze 7:2

Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Oze 9:17

Mon Bondye pou rezet zot, akoz zot pa'n ekout li. Zot pou vin eran parmi bann nasyon.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Amos 4:4

Zabitan Izrael! Al Betel e kontinyen revolte kont mwan. Kontinyen revolte dan Gilgal! Ofer zot bann sakrifis tou le bomaten, e lo trwazyenm zour, anmenn zot bann ladim.

Amos 5:27

mon pou anvoy zot annegzil lo lot kote Damas. Mwan, SENYER, Bondye liniver ki deklare: Sa i mon non.

Amos 5:5

Pa bezwen mont Betel. Pa al rod mwan Gilgal. Pa bezwen travers Berseba, akoz bann zabitan Gilgal pou al annegzil e Betel pou ganny detri.

Mise 3:11

Son bann sef i rann zizman kont gous; son bann pret i fer peye pour ansennyen; son bann profet i predir lavenir pour larzan. Pourtan, zot kont lo SENYER, e zot dir: SENYER i avek nou. Okenn maler pa pou tonm lo nou!

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Sofoni 3:3

Son bann sef i parey bann lyon ki pe kriye. Son bann ziz i parey bann loulou ki fer lasas aswar. Kan bomaten i fer, zot napa nanryen pour manze.

Zakari 11:8

Apre zis en mwan, mon ti sas sa trwa berze. Apre, mon ti perdi pasyans avek bann mouton. Zot osi, zot ti deteste mwan.

Akt de Zapot 4:27

Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.

Akt de Zapot 5:21

Kan zot ti'n antann sa, zot ti al dan Tanp granmaten e konmans ansennyen. Kan Gran-Pret avek son lantouraz ti arive, zot ti konvok Konsey ek Lasanble bann ansyen dan pep Izrael. Zot ti anvoy sers bann zapot dan prizon.

Zozye 10:43

Apre, Zozye ek tou bann Izraelit ti retourn dan kan, Gilgal.

1 Samyel 7:16

Toulezan, i ti fer en tournen Betel, Gilgal ek Mispa e i ti ziz pep Izrael dan tou sa bann landrwa.