Oze 9:12 - Labib An Kreol Seselwa

¹² Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Oze 9:12 ပူးပေါင်းရင်းမြစ်များ

2 Rwa 17:18

Alor, SENYER ti tre ankoler kont Izrael e ti fer zot disparet devan li; ti reste zis tribi Zida.

2 Rwa 17:23

ziska ki SENYER ti fer Izrael disparet devan li, parey i ti'n anonse par lentermedyer son bann serviter, bann profet. Alor, Izrael ti ganny anvoye annegzil Asiri ziska ozordi.

Liv Zob 27:14

Si zot ganny bokou zanfan, zot pou ganny masakre; zot bann pti zanfan pa pou ganny ase manze.

Zeremi 15:7

Partou dan bann lavil, mon'n servi mon fours pour senm zot dan divan parey lapay. Mon'n detri mon pep konpletman, mon'n touy son bann zanfan, akoz i pa'n oule sanz son mannyer viv.

Zeremi 6:8

Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Lamantasyon 2:20

SENYER! Lev ou lizye. Gete! Lekel ki ou'n tret konmsa? Eski bann manman i kapab manz zot prop zanfan, zanfan ki zot in kontan? Eski fodre ki bann pret ek bann profet zot ganny touye dan sanktyer SENYER?

Lamantasyon 2:22

Ou'n envit mon bann lennmi par tou kote, konmsi en zour lafet. Zour lakoler SENYER ti leve, personn pa'n kapab sape; napa okenn sirvivan. Mon lennmi in masakre bann zanfan ki mon'n elve, e ki mon'n dorlote.

Oze 7:13

Maler lo zot! Zot in sov lwen avek mwan! Zot pou ganny detri akoz zot in revolte kont mwan. Mon pou delivre zot, me zot dir mansonz kont mwan.

Oze 9:13

Efraim ti parey en plantasyon palm dan en zoli landrwa, me aprezan, i les son zanfan al ver bann bouro.

Oze 9:16

Efraim in fletri, son rasin in sek; i pa pou raport ankor okenn fri. Si zot fanm i ganny zanfan, mon pou touy bann fri presye ki dan zot vant.

Malasi 2:12

Mon demande ki SENYER i detri sa zonm ki'n fer sa aksyon parmi pep Izrael, e nenport ki, menm sa enn ki anmenn en lofrann devan SENYER liniver.

Nonm 14:34

Zot pou soufer konsekans zot pese pandan 40 an, en lannen pour sak zour ki zot ti eksplor sa pei. Zot ava konn mon mekontantman.

Nonm 26:65

SENYER ti'n dir ki zot tou, zot pou mor dan dezer, eksepte Kaleb garson Zefoune ek Zozye, garson Noun.

Deterononm 28:18

Zanfan sorti dan ou vant pou ganny modi, prodwi ou later osi, porte ou bef, ou mouton ek ou kabri; tou pou ganny modi.

Deterononm 28:32

Devan ou lizye, ou bann garson, ou bann fiy ava ganny donnen avek en lot pep. Tou le zour, ou ava rod zot avek ou lizye gran ouver; me ou pa pou kapab fer nanryen.

Deterononm 31:17

Kan sa i arive, mon lakoler pou monte kont zot. Mon pou abandonn zot e tourn mon ledo avek zot. Zot ava ganny devore e en kantite maler terib pou tonm lo zot. Sa zour, zot ava dir: Sa bann maler in tonm lo nou akoz nou Bondye i pa parmi nou.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

Ziz 4:16

Barak ti pourswiv bann kales lager ek larme ziska Haroset-Goim; tou larme Sisera ti ganny masakre. Pa ti reste en sel zonm.

1 Samyel 16:14

Lespri SENYER ti kit Sail e SENYER ti anvoy en move lespri pour tourmant li.