Oze 9:11 - Labib An Kreol Seselwa

¹¹ Laglwar Efraim pou anvole parey en zwazo: Pou nepli annan nesans; pou nepli annan fanm ansent; pou nepli annan lansentman.

Oze 9:11 ပူးပေါင်းရင်းမြစ်များ

Zenez 41:52

I ti apel son dezyenm garson, Efraim. I ti dir: Bondye in fer mwan ganny zanfan dan pei mon soufrans.

Zenez 49:22

Zozef i parey en plant fertil ki pous obor en sours; son bann brans i depas miray.

2 Samyel 6:23

Mikal, fiy Sail, pa ti ganny okenn zanfan ziska son lanmor.

Liv Zob 18:5

Lalimyer bann malfeter pou tennyen, e laflanm zot dife pou aret briye.

Psonm 58:8

Parey en kolimason, zot ava disparet dan zot lagli. Parey en pti baba ki ne mor, zanmen zot pou war soley.

Eklezyas 6:3

Si en zonm i ganny bokou zanfan e i viv en kantite lannen, menm si i viv lontan, me i pa profit boner lavi e ni menm annan en latonm ler i mor, mon dir ki en pti baba ki mor an nesan i pli ere ki li.

Ezai 17:3

Tou bann miray proteksyon otour Efraim pou ganny detri. Damas pou nepli en rwayonm e bann restan Siriyen pou pas parey laglwar bann zanfan Izrael. SENYER liniver ki deklare.

Oze 10:5

Bann zabitan Samari i tranble devan zot zenn bef. Zot pou port dey pour zot zidol e bann pret pou plere pour zot. Zot ava lamante pour laglwar ki'n al annegzil lwen avek zot.

Oze 4:7

Pli zot in ogmante, pli zot pese kont mwan in ogmante. Mon pou fer zot laglwar vin laont.

Oze 5:9

Zour SENYER i pini Efraim, i pou vin zis en dezer. Sa ki mon pe anons Izrael i en fe serten.

Oze 9:14

Donn zot, SENYER, sa ki ou pou donn zot. Donn zot en vant steril ek tete ki'n sek.

Amos 1:13

La sa ki SENYER i deklare: Akoz sa kantite krim pep Amonit, mon pa pou sanz mon desizyon: Akoz zot in fann vant bann fanm ansent pour zot agrandi zot teritwar dan Galaad,

Levanzil dapre Lik 23:29

Ler pe vini kan dimoun pou dir: Ere bann fanm steril ki pa'n zanmen fer zanfan, ni donn tete.

Deterononm 28:18

Zanfan sorti dan ou vant pou ganny modi, prodwi ou later osi, porte ou bef, ou mouton ek ou kabri; tou pou ganny modi.

Deterononm 28:57

sa ki'n sorti dan son vant an sekre, akoz sa detres ek sa dezespwar, la kot lennmi in anserkle ou dan ou bann lavil.

Deterononm 33:17

I parey son toro premye ne ki donn li laglwar. Son bann korn i parey korn en bef sovaz. I bat lepep avek, partou, lo later antye. Sanmenm sa bann milyon pour Efraim sanmenm sa bann milye pour Manase.