Oze 9:10 - Labib An Kreol Seselwa

¹⁰ Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Oze 9:10 ပူးပေါင်းရင်းမြစ်များ

1 Rwa 16:31

Konmsi pa ti ase pour li komet bann pese parey Zeroboanm, garson Nebat, i ti marye avek Zezabel, fiy Et-Baal, lerwa Sidonit; i ti al kot Baal e ador li.

2 Rwa 17:11

Zot ti bril lansan dan sa bann landrwa sakre, parey bann nasyon ki SENYER ti'n sase devan zot. Zot ti'n fer sa ki mal e provok lakoler SENYER.

Psonm 115:8

Sa enn ki'n fabrik zot i parey zot ek tou sa bann ki met konfyans dan zot.

Psonm 81:12

Alor, mon ti les zot avek zot leker dir, pour zot fer koman zot oule.

Kantik Salomon 3:6

Lekel ki pe monte sorti dan dezer, ki parey en kolonn lafimen, parfimen avek lamir ek lansan, ek tou bann lapoud bann marsan etranze?

Ezai 28:4

E sa fler sek ki ti ornman son labote ki lo latet sa enn ki gonfle avek manze gra, pou parey en fig mir avan sezon. Premye ki war li i sot lo li e manz li deswit.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 24:2

Dan en pannyen, ti annan bann zoli fig ki ti'n mir avan rekolt. Dan lot pannyen, ti annan bann fig ki ti'n gate, ki ti nepli bon pour manze.

Zeremi 3:24

Depi dan nou lazenes, sa bann pratik onte in kout nou bann zanset zot betay ek zot bann zanfan ki zot in ofer devan Baal.

Zeremi 3:25

Annou kasyet dan nou laont e ganny kouver avek dezoner. Annefe, depi nou lanfans, nou, avek nou paran, nou pe komet pese anver SENYER, nou Bondye. Nou pa'n ekout sa ki SENYER nou Bondye ti'n dir nou.

Zeremi 31:2

La sa ki SENYER i deklare: Mon'n montre mon bonte anver sa bann ki pa ti ganny masakre dan dezer. Izrael ava kapab repoze.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Ezekyel 20:8

Me zot ti revolte kont mwan e refize ekout mwan. Personn pa'n oule abandonn sa bann lobze degoutan ki ti atir zot lizye, ni rezet bann zidol Ezipsyen. Alor, mon ti annan lentansyon tir mon gran lakoler lo zot san okenn pitye e les zot ale ziska Lezip.

Oze 11:1

Kan Izrael ti ankor zenn, mon ti kontan li, mon'n apel mon garson pour sorti Lezip.

Oze 13:5

Mwan ki ti nouri zot dan dezer, dan lasesres.

Oze 2:15

La, mon pou rann li son plantasyon rezen e fer vale Akor, sa vale maler, vin en laport lespwar. I pou swiv mwan parey dan letan son lazenes, parey lepok ki i ti sorti Lezip.

Oze 4:14

Mon pa pou fer zot bann fiy rann kont pour zot prostitisyon, ni zot bann belfiy pour zot adilter. Annefe, zot menm, bann pret, zot al kot bann prostitye, zot partaz repa sakre avek bann prostitye dan tanp. En pep san disernman pe al ver son destriksyon.

Oze 4:18

Zot in fini avek zot bwar; zot tonm dan prostitisyon; zot sef i prefer laont.

Amos 4:5

Ofer lofrann remersiman avek dipen leve. Proklanm bann lofrann, devan pep Izrael! Sanmenm ki zot kontan! Senyer BONDYE ki deklare.

Mise 7:1

Gran maler lo mwan! Mon'n vin parey sa enn ki, apre rekolt fri lete, apre ki lasezon rezen in fini, napa en sel grap pour manze, ni en sel fig kont sezon ki mon kontan.

Nonm 15:39

Sak fwa ki zot ava get sa franz, zot ava mazin komannman SENYER pour zot met an pratik. Zot pa devre swiv dezir zot lizye ek zot leker pour fer sa ki mal.

Nonm 18:13

Tou lofrann premye rekolt ki ganny anmennen kot SENYER i vin pour ou. Tou manm dan ou fanmir ava kapab manze.

Romen 6:21

Me ki benefis zot ti gannyen par sa bann aksyon? Aprezan, sa bann aksyon i fer zot onte, akoz son rezilta, se lanmor.

Deterononm 32:10

I ti trouv li dan en pei dezer, dan en teritwar abandonnen. I ti protez li, pran swen avek li, gard li parey son kannet lizye,

Deterononm 32:17

Zot ti ofer sakrifis avek bann demon, pa anver Bondye, anver bann bondye ki zot pa'n zanmen konnen, anver bann bondye ki zot ti'n fek dekouver, ki zot bann zanset pa ti adore.

Deterononm 4:3

Zot menm, zot in war tou sa ki SENYER in fer Baal-Peor: Ki mannyer SENYER, ou Bondye ti detri tou sa bann zonm ki ti swiv Baal-Peor.

Ziz 6:32

Sa zour, zot ti apel Zedeon: Yeroub-Baal, savedir, “Les Baal pled son ka.” Annefe, Zedeon ki ti'n demoli son lotel.