Oze 8:7 - Labib An Kreol Seselwa

⁷ Zot in senm divan; zot pou rekolte tanpet. Dible ki ou plante pa pou donn ou lafarin; si i donnen, bann etranze ki pou manze.

Oze 8:7 ပူးပေါင်းရင်းမြစ်များ

Zenez 41:23

Apre, set lot zepi meg e brile par divan Les ti mont deryer zot.

2 Rwa 15:19

Poul, lerwa Asiri, ti antre dan pei. Menahenm ti donn li 30 tonn larzan pour ed li konsolid son pouvwar rwayal.

2 Rwa 15:29

Ti dan lepok Peka, lerwa Izrael, ki Tiglat-Pileser, lerwa Asiri, ti atak e pran sa bann lavil: Iyonn, Abel-Bet-Maaka, Yanoa, Kedes, Hasor, Galaad ek Galile, pei Neftali antye. I ti anvoy tou zabitan prizonnyen annegzil Asiri.

Liv Zob 4:8

La sa ki mon'n remarke: Dimoun ki kiltiv lenzistis e ki senm lanmizer, pou rekolte sa ki zot in senmen.

Proverb 22:8

Sa enn ki senm lenzistis pou rekolte maler; e son lakoler pou ganny detri.

Eklezyas 5:16

Sa i osi en gran maler; i pou retourn egzakteman parey i ti vini. Ki profi in gannyen? I'n travay dan vid.

Ezai 17:11

Sa menm zour ki ou ti plant zot, ou ti war zot pouse, e son lannmen bomaten, i ti fleri. Ou pa pou ganny okenn rekolt, akoz napa okenn remed pour son maladi.

Ezai 55:2

Akfer ou depans ou larzan pour aste sa ki pa nouri ou? Akfer fatig ou pou sa ki pa donn satisfaksyon? Ekout mwan byen, manz sa ki bon e ou ava byen apresye bon manze.

Ezai 66:15

Annefe, dan dife ki SENYER pe vini; son bann kales i parey en siklonn; pour satisfer son gran lakoler, i pini zot dan laflanm dife.

Zeremi 12:13

Mon pep in senm lagrenn dible, me zot in rekolte move zerb. Zot in travay dir, san okenn profi. Zot rekolt pa'n bon akoz gran lakoler SENYER.

Lamantasyon 5:2

Nou patrimwann i dan lanmen bann etranze. Nou lakaz i aprezan pour lezot nasyon.

Oze 2:9

Pour sa rezon, mon pou vin repran mon dible dan letan rekolt, ek mon diven nouvo dan son sezon. Mon pou repran mon lalenn ek mon latwal ki i servi pour kouver son touni.

Oze 7:9

Bann etranze i sis son lafors, san ki i konnen. Lavyeyes in akapar li, san ki i remarke.

Oze 9:16

Efraim in fletri, son rasin in sek; i pa pou raport ankor okenn fri. Si zot fanm i ganny zanfan, mon pou touy bann fri presye ki dan zot vant.

Nahoum 1:3

SENYER i pasyan e son pwisans i gran. SENYER pa zanmen fer en koupab pas pour inosan. I tras son semen atraver gro divan ek tanpet; bann nyaz i koman lapousyer anba son lipye.

Agze 1:6

Zot in senm bokou, me zot in rekolte en pti gin; zot in ganny manze, me zot pa zanmen ase; zot in ganny bwar, me zot touzour swaf; zot sanze, me zot lenz pa zanmen gard lasaler; lapey bann travayer i al dan en portmonnen defonse.

Galat 6:7

Pa bezwen tronp ou lekor: Personn pa kapab provok Bondye. Dimoun i rekolte sa ki i'n senmen.

Galat 6:8

Sa enn ki senm sa ki fer plezir son natir imen, pou rekolte dapre son natir imen: Lanmor. Me si i senm sa ki fer plezir Lespri, i pou rekolte sa ki sorti kot Lespri: Lavi eternel.

Deterononm 28:33

En pep ki ou pa konnen ava manz prodwi ou later e tou prodwi ou travay; ou pou kontinyelman ganny eksplwate, kraze.