Oze 8:6 - Labib An Kreol Seselwa

⁶ Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Oze 8:6 ပူးပေါင်းရင်းမြစ်များ

2 Rwa 23:15

Lerwa ti osi kraz lotel ki ti Betel ek bann landrwa sakre ki Zeroboanm, garson Nebat, ti'n konstri e ki ti fer Izrael komet pese. I ti demoli sa lotel ek landrwa sakre; i ti fer li vin lapousyer e bril poto sakre Asera.

2 Rwa 23:19

Zozyas ti osi fer disparet tou bann lakaz dan landrwa sakre dan bann lavil Samari, ki bann lerwa Izrael ti'n fer pour provok lakoler SENYER. I ti tret zot parey i ti fer Betel.

2 Kronik 13:8

Aprezan zot dir: Nou pou opoz rwayonm ki SENYER in konfye avek bann desandan David. Zot annan en gran larme e zot annan osi avek zot angiz bondye bann zenn bef annor ki Zeroboanm ti'n fabrike pour zot.

2 Kronik 31:1

Kan lafet ti fini, tou Izraelit ki ti prezan, ti al dan bann lavil Zida. Zot ti demoli bann ros sakre ki ti'n ganny plase. Zot ti kraz bann ros sakre e detri tou bann landrwa sakre avek zot bann lotel partou dan Zida ek Benzamen, dan Efraim ek Manase. Apre, tou bann Izraelit ti al se zot dan zot prop lavil, sakenn dan son propriyete.

Zeremi 10:14

Zot tro bet e zot pa konpran nanryen ditou. Bann fabrikan zidol i kanmi, akoz sa bann stati ki zot fer i fo; zot napa okenn lavi.

Zeremi 48:13

Alor, parey pep Izrael ti kanmi akoz Betel, ki zot ti fer konfyans, bann zabitan Moab pou kanmi zot bondye Kemos.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Oze 10:2

Zot leker pa senser. Aprezan, zot pou bezwen peye. Zot bann lotel pou ganny kraze. Zot bann ros sakre pou ganny detri.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Mise 1:7

Tou son bann stati pou ganny kas an morso. Kado ki zot in resevwar pou ganny zete dan dife. Mon pou detri tou son bann zidol. Zot bann gen prostitisyon pou reganny servi dan prostitisyon.

Habakouk 2:18

Akfer fabrik en stati fer par en artizan? I zis en zidol an metal ki'n ganny forze, pour fer dimoun krwar dan mansonz. I pa ni menm koze, me en artizan i met konfyans dan li?

Akt de Zapot 17:29

Alor, akoz nou son bann zanfan, nou pa devre krwar ki Bondye i parey avek en divinite ki'n fer avek lor, larzan oubyen ros, ki lar ek limazinasyon imen in prodwir.

Akt de Zapot 19:26

Me zot in war oubyen zot in tande sa ki pe pase: Sa zonm, Pol, pe dir ki bann bondye fer par zonm, pa bondye. I'n reisi konverti bokou dimoun, pa zis isi Efez, me preski dan provens Lazi antye.