Oze 8:14 - Labib An Kreol Seselwa

¹⁴ Izrael in oubliy son Kreater e i'n konstri bann pale. Zida li, i'n fortifye en kantite lavil. Me mon pou met dife dan son bann lavil, dife pou devor zot bann zoli pale.

Oze 8:14 ပူးပေါင်းရင်းမြစ်များ

1 Rwa 12:31

Zeroboanm ti osi konstri bann dan landrwa sakre. Nenport ki ti ganny nonmen pret, menm sa bann ki pa ti sorti dan tribi Levi.

1 Rwa 16:31

Konmsi pa ti ase pour li komet bann pese parey Zeroboanm, garson Nebat, i ti marye avek Zezabel, fiy Et-Baal, lerwa Sidonit; i ti al kot Baal e ador li.

2 Rwa 18:13

Dan katorzyenm lannen lerwa Ezekyas, Senakerib, lerwa Asiri, ti atak e pran tou bann lavil fortifye dan Zida.

2 Kronik 26:10

I ti konstri tour geter dan dezer e fouy en kantite pwi, akoz i ti annan bokou zannimo dan bann bafon e dan laplenn. I ti anploy labourer pour kiltiv son bann plantasyon, plantasyon rezen e dan bann kolin e dan bann landrwa fertil, akoz i ti kontan kiltiv later.

2 Kronik 27:4

I ti konstri bann lavil dan rezyon montanny Zida, bann miray fortifye ek bann tour dan lafore.

Psonm 106:21

Zot ti'n oubliy Bondye zot Sover ki ti'n fer bann gran mervey Lezip,

Psonm 95:6

Vini! Annou ador li e prosternen devan li. Annou met nou azenou devan SENYER, nou Kreater.

Ezai 17:10

Izrael! Ou'n oubliy Bondye ki sov ou. Ou'n oubliy ou Ros ki protez ou. Alor, ou'n plant bann zoli pye dibwa pour ou san dout ador en bondye etranze.

Ezai 29:23

Akoz ler son bann zanfan ava war mervey ki mon lanmen in fer parmi zot, zot ava beni mon non; zot ava rekonnet ki mon non sakre i dan Izrael; zot ava respekte Bondye Izrael.

Ezai 42:13

SENYER i avanse parey en ero; parey en gerye, i montre son lakoler; i kriy for, i donn en lavertisman lager; i lans defi kont son bann lennmi.

Ezai 42:25

Pour sa rezon ki i devers lo son pep larder son lakoler e vyolans lager. I'n met dife partou, me zot pa'n oule konpran; i'n bril tou, me zot pa'n pran kont.

Ezai 43:21

Sa pep ki mon'n formen zis pour mwan ava sant mon louanz.

Ezai 9:10

Bann brik in tonbe, me nou pou rekonstri avek bann ros taye; bann poto dibwa ordiner in ganny koupe, me nou pou ranplas zot avek poto sed.

Ezai 9:9

Lepep antye pou konnen, Efraim ek zabitan Samari. Avek lorgey ek larogans dan leker zot dir:

Zeremi 17:27

Me si zot pa ekout mwan, si zot pa obzerv sa zour saba koman en zour sakre, si zot kontinyen pas avek pake dan bann laport Zerizalenm, alor mon pou met dife dan sa bann laport lavil. Sa dife ki pa pou zanmen tennyen, pou detri bann pale dan Zerizalenm.

Zeremi 2:32

Eski en zenn fiy i kapab oubliy son bann bizou? Eski en nouvel marye i kapab oubliy son rob maryaz? Alor! Akoz mon pep in oubliy mwan depi tou sa bann letan?

Zeremi 23:27

Par sa bann rev ki zot rakont kanmarad, zot oule fer mon pep oubliy mon non, parey zot bann zanset ti oubliy mon non pour al ador Baal.

Zeremi 3:21

Tapaz ki sorti lao dan kolin, i lavwa bann zanfan Izrael ki pe plere e ki pe sipliye. Zot in oubliy mwan, SENYER zot Bondye e zot in pran en move semen.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Ezekyel 23:35

Alor, la sa ki Senyer BONDYE i deklare: Akoz ou'n oubliy mwan e ou'n abandonn mwan, ou ava siport konsekans ou move lavi, ou prostitisyon.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Amos 1:10

mon pou met dife kont miray lavil Tir e i pou detri tou son bann pale. Kont bann Edomit

Amos 1:12

Alor, mon pou met en dife dan Temann, e i pou detri bann pale Bosra. Kont bann Amonit

Amos 1:14

mon pou met dife dan Raba, e i pou detri tou son bann pale. Sa zour pou annan gran fraka lager, tanpet avek loraz.

Amos 1:4

mon pou met dife dan pale Hazael, e i pou bril bann pale Benn-Hadad.

Amos 2:5

Mon pou met dife dan Zida ki pou bril tou bann pale dan Zerizalenm. Zizman kont Izrael

Efezyen 2:10

Annefe, Bondye ki'n form nou; i'n kre nou ini avek Zezi-Kri pour nou akonpli bann bonn aksyon ki Bondye in prepare davans, pour nou met zot an pratik.

Deterononm 32:18

Ou ti oubliy sa Ros protekter ki ti met ou omonn. Ou ti oubliy sa Bondye ki ti donn ou lavi.