Oze 8:13 - Labib An Kreol Seselwa

¹³ Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 8:13 ပူးပေါင်းရင်းမြစ်များ

Egzod 20:3

Ou pa pou annan okenn lezot bondye apard mwan.

Egzod 32:34

Aprezan, ale! Al diriz mon pep dan sa landrwa ki mon'n dir ou. Mon lanz pour al par devan. Me zour mon pou entervenir, mon pou pini zot pour zot pese.”

Proverb 21:27

Sakrifis bann malfeter i degoutan; anplis, zot ofer li avek move lentansyon.

Ezai 1:11

SENYER i'n deklare: Ki mon annan pour fer avek tou zot kantite sakrifis? Mon'n ganny ase avek sakrifis konplet bann mouton mal e avek lagres bann zannimo ki'n ganny angrese; ni disan toro, ni disan zenn mouton, ni disan bouk pa fer mwan plezir.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 6:20

Mon pa bezwen lansan ki sorti dan pei Saba, oubyen dibwa parfimen ki sorti dan pei etranze. Mon pa bezwen bann zannimo ki zot brile lo lotel; zot bann sakrifis pa fer mwan plezir.

Ezekyel 29:16

Pep Izrael pa pou zanmen met son konfyans dan li ankor. Konmsa, Izrael pa pou rod led Lezip e les li tonm dan pese. Alor, zot ava konnen ki mwan menm Senyer BONDYE.

Oze 11:5

Zot pa pou retourn Lezip, me en Asiriyen ki pou vin zot lerwa, akoz zot in refize retourn kot mwan.

Oze 12:11

Galaad in komet pese e i pou disparet. Dan Gilgal, zot ofer sakrifis toro, me son bann lotel i zis en ta ros dan transe plantasyon.

Oze 4:9

Mon pou tret lepep ek bann pret parey. Mon pou fer zot rann kont pour zot konportman. Mon pou fer zot peye pour zot aksyon.

Oze 5:6

Avek zot bann troupo, zot pou al rod SENYER. Me zot pa pou trouv li, akoz in elwanny li avek zot.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Oze 7:11

Efraim in vin parey en pizon timid san disernman. Zot demann led Lezip e zot al Asiri.

Oze 7:16

Zot in tourn ver sa ki pa anmenn okenn profi. Zot parey en fles tord. Zot sef pou tonbe dan lager, akoz zot bann parol arogan; dan Lezip, zot pou ganny riye.

Oze 7:2

Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Amos 3:2

Parmi tou bann nasyon ki peple later, ou ki mon'n swazir. Pour sa rezon, mon pou fer ou rann kont tou ou bann krim.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Levanzil dapre Lik 12:2

Napa nanryen ki'n kouver ki pa pou ganny dekouver, e napa nanryen ki'n kasyet ki pa pou ganny devwale.

1 Korentyen 11:20

Kan zot rasanble, pa repa Senyer ki zot pran.

1 Korentyen 11:29

Annefe, sa enn ki manz sa dipen e bwar sa lakoup san rekonnet lekor Senyer, i pe atir kondannasyon lo son prop lekor.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Deterononm 28:68

SENYER ava fer ou retourn Lezip par bato. I pou fer ou pran sa semen ki mon ti promet ou pa pou revwar. Laba, ou ava vann ou lekor avek ou bann lennmi koman bann lesklav zonm koman fanm. Me personn pa pou oule aste ou.

Revelasyon 16:19

Sa gran lavil ti diviz an trwa parti. Bann lavil dan bann pei antye ti ganny detri. Alor, Bondye ti rapel gran Babilonn e i ti fer li bwar lakoup diven son gran lakoler.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.