Oze 8:1 - Labib An Kreol Seselwa

¹ Met ou tronpet avek ou labous! Maler, parey en leg, in tonm lo lakaz SENYER, akoz zot in kas mon lalyans e zot in revolte kont mon lalwa.

Oze 8:1 ပူးပေါင်းရင်းမြစ်များ

2 Rwa 18:27

Me ed de kan Asiriyen ti dir zot, “Eski ou krwar ki mon met in anvoy mwan koz zis avek ou met ek ou, non pa avek bann zonm ki lo miray. Zot osi, zot pou bezwen manz zot leskreman, e bwar zot lirin.”

Ezai 18:3

Zot tou, bann zabitan lemonn, zot ki reste lo later! Ler en siny i ganny plase lo montanny, get byen! Ler tronpet i soufle, ekoute!

Ezai 24:5

Bann zabitan in polye later akoz zot in transgres bann lalwa e vyol bann regleman. Zot in kas bann lalyans ki ti devre reste pour touzour.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 31:32

I pa pou parey sa enn ki mon ti fer avek zot bann zanset, kan mon ti pran zot par lanmen, pour fer zot sorti Lezip. Zot pa'n respekte sa lalyans, menm si mon ti zot met, SENYER i deklare.

Zeremi 34:18

Bann ki'n kas mon lalyans e ki pa'n respekte bann kondisyon lalyans ki zot ti fer devan mwan, zot pou vin parey sa pti toro ki ti ganny koup an de e pas dan milye sa bann morso.

Zeremi 4:13

Gete! Lennmi pe vini parey en nyaz. Son bann kales lager i roul parey en tourbiyon. Son bann seval i pli vit ki bann leg. Maler i lo nou! I'n fini pour nou!

Zeremi 4:5

Al anonse dan Zida! Dir zot: Al proklanmen dan Zerizalenm! Soufle tronpet atraver pei! Kriy byen for avek bann zabitan: Rasanble zot; annou al kasyet dan bann lavil fortifye.

Zeremi 48:40

La sa ki SENYER i deklare: Gete! Lennmi i parey en leg ki pe plannen avek son lezel gran ouver par lao Moab.

Zeremi 49:22

Lennmi pour atak Bosra parey en leg ki desann avek son lezel gran ouver. Sa zour la, bann meyer gerye Moab pou per parey en fanm ki dan douler lanfantman.

Zeremi 51:27

Anonse dan tou pei! Fer soufle tronpet parmi bann nasyon! Mobiliz bann nasyon pour fer lager kont Babilonn! Konvok bann rwayonm Ararat, Mini, Askenaz pour zot atake. Nonm en sef pour diriz latak. Anvoy bann seval atake, parey lesen sotrel.

Zeremi 6:1

Zabitan tribi Benzamen! Sove! Kit Zerizalenm! Al rod proteksyon dan en lot landrwa. Sonn tronpet dan Tekoa; donn lavertisman dan Bet-Kerenm, akoz maler ek gran dezas pe arive sorti dan Nor.

Ezekyel 11:4

Alor, profetiz kont zot. Ou ki en imen, profetiz kont zot.”

Ezekyel 16:59

La sa ki Senyer BONDYE i deklare: Mon pou tret ou dapre sa ki ou merite. Ou pa'n respekte ou serman e ou'n kas lalyans.

Ezekyel 17:3

Dir zot: La sa ki Senyer BONDYE i deklare: Ti annan en gro leg, avek gran lezel, plim epe toudsort kouler. I ti anvol dan montanny Liban e kas leker bann pye sed.

Ezekyel 7:14

Tronpet in soufle, tou in pare, me personn pa pe al lager, akoz mon lakoler in monte kont sa pep antye.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 5:8

Fer tande korn lager dan Gibea, soufle tronpet dan Rama. Sonn lavertisman dan Bet-Aven get deryer ou, Benzamen.

Oze 6:7

Parey zot ti fer dan pei Adan, zot pa'n respekte mon lalyans; zot pa'n reste fidel anver mwan.

Oze 9:15

Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Zoel 2:1

Sonn tronpet lo montanny Siyon! Kriye lo mon montanny sakre! Tranble, zot bann zabitan pei Zida! Zour SENYER pe vini, i byen pros.

Zoel 2:15

Sonn tronpet dan Siyon! Donn lord pour fer en zenn! Rasanble bann zabitan pour en rasanbleman sakre.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Amos 9:1

Mon ti war SENYER debout kot lotel. I ti dir: Tap kornis bann kolonn e son fondasyon i ganny sekwe! Kraz zot e fer tonm lo zot latet; Mon pou fer masakre sa bann ki reste. Personn pa pou sape; personn pa pou kapab sove.

Habakouk 1:8

Zot bann seval i pli rapid ki bann leopar, pli feros ki bann loulou aswar. Zot bann kavalye i atake. Zot bann kales lager i sorti lwen. Zot anvole koman leg kan i atake pour li devore.

Sofoni 1:16

Sa zour, zot pou antann son tronpet, tapaz lager kont bann lavil fortifye, e kont bann fortres.

Zakari 11:1

Liban! Ouver ou bann laport, pour ki dife i devor ou bann pye sed.

Zakari 9:14

Apre sa, SENYER pou aparet par lao zot e son fles pou sorti parey zekler. Senyer BONDYE pou soufle tronpet. I pou avanse dan tanpet sorti dan Sid.

Matye 24:28

La kot i annan kadav, bann korbo pou rasanble.”

1 Korentyen 15:52

dan en pti moman, dan en klendey, kan dernyen tronpet pou soufle. Annefe, tronpet pou soufle e bann mor pou resisite imortel; e nou, nou pou ganny transformen.

Deterononm 28:49

SENYER ava anvoy kont ou en nasyon ki sorti lwen, dan lot bout later, ki ou pa pou konpran son langaz, e ki pou tonm lo ou parey en leg.