Oze 7:7 - Labib An Kreol Seselwa

⁷ Zot tou, zot sofe parey en four; zot devor zot bann sef. Zot bann lerwa in tonbe; personn pa rod mwan.

Oze 7:7 ပူးပေါင်းရင်းမြစ်များ

1 Rwa 15:28

Baasa ti touy Nadab pandan trwazyenm lannen renny Asa, lerwa Zida, e i ti renny dan son plas.

1 Rwa 16:18

Kan Zimri ti remarke ki lavil ti'n ganny pran, i ti antre dan pale rwayal e met dife; i ti mor dan dife.

1 Rwa 16:22

Me bann ki ti swiv Omri, ti pli for ki bann ki ti swiv Tibni, garson Ginat. Tibni ti mor, Omri ti vin lerwa.

2 Rwa 10:14

I ti dir, “Pran zot vivan.” Zot ti ganny atrape vivan, egorze e ganny zete dan sitern Kan Berze. Ti annan an tou 45 zonm. Zehou pa ti les personn sape.

2 Rwa 10:7

Kan zot ti resevwar sa let, zot ti pran sa 70 garson lerwa e touy zot. Zot ti met zot latet dan bann pannyen e anvoy Zizreel, kot Zehou.

2 Rwa 15:10

Saloum, garson Yabes, ti fer konplo kont li e touy li devan lepep. Konmsa ki i ti touy li e vin lerwa dan son plas.

2 Rwa 15:14

Menahenm, garson Gadi, ti monte depi Tirsa, antre dan Samari e touy Saloum, garson Yabes e renny dan son plas.

2 Rwa 15:25

Peka, garson Remalia, son zofisye, ti fer konplo kont li: Avek 50 zonm sorti Galaad, Peka ti touy li Samari dan en lasal pale rwayal, ansanm avek Argob ek Arie. Konmsa ki i ti touy Pekaya e vin lerwa dan son plas.

2 Rwa 15:30

Oze, garson Ela, ti fer en konplo kont Peka, garson Remalia, e touy li. I ti vin lerwa dan son plas, dan ventyenm lannen renny Yotanm, garson Azarya.

2 Rwa 9:24

Zehou ti sezi son fles e tap Yoranm ant son de zepol; sa fles ti sorti par leker Yoranm ki ti tonm dan son kales lager.

2 Rwa 9:33

I ti dir, “Zet li anba.” Zot ti zet li anba; son disan ti fannen lo miray e lo seval. Zehou ti pil lo li.

Liv Zob 36:13

Bann malfeter i touzour ankoler. Ler zot ganny ansennen, zot pa demann Bondye son led.

Psonm 14:4

Eski sa bann malfeter i inyoran? Zot pe devor mon pep; zot pe manz son dipen. Zot pa ni priy SENYER.

Ezai 43:22

Pourtan! Zakob, ou pa ti apel mwan. Izrael, ou'n fatige avek mwan.

Ezai 64:4

Personn pa'n zanmen konnen; zorey pa'n zanmen tande; lizye pa'n zanmen war okenn Bondye parey ou, ki azir konmsa, anver dimoun ki met son lespwar dan ou.

Ezai 64:6

Nou tou, nou'n fer pese e tou nou bann bon aksyon, i parey en lenz sal. Nou tou, nou'n fletri parey en fey e nou bann pese i fer nou anvole dan divan.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 9:13

Lepep pa retourn ver sa enn ki'n pini li, i pa tourn ver SENYER liniver.

Ezekyel 22:30

Mon'n rod parmi zot en zonm ki kapab konstri en miray, ki kapab debout devan mwan kot miray in kase pour byennet pei, pour ki mon pa detri li. Me mon pa'n trouv personn.

Danyel 9:13

Tou sa bann maler in vin lo nou, parey i'n ganny ekri dan lalwa Moiz. Nou pa'n sipliye pour kalme lakoler SENYER, nou Bondye. Nou pa'n abandonn nou bann fot; nou pa'n swiv ou laverite.

Oze 13:10

Oli ou lerwa, pour li sov ou? Dan tou ou bann lavil, oli ou bann sef? Pa ou ti dir: Donn mwan en lerwa ek bann sef?

Oze 5:15

Mon pou ale, mon pou retourn kot mwan, ziska zot avoue ki zot koupab e rod mwan. Dan zot maler, zot pou retourn ver mwan.

Oze 7:10

Lorgey Izrael i temwanny kont li. Izrael pa'n retourn ver SENYER son Bondye. Apre tou, zot pa rod li.

Oze 7:14

Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Oze 8:4

Zot swazir zot lerwa, me san mon lakor. Zot etabli bann sef, me san fer mwan konnen. Zot fabrik zot zidol avek zot larzan ek zot lor, me in anmenn zot destriksyon.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.