Oze 7:5 - Labib An Kreol Seselwa

⁵ Zour lafet pour lerwa, bann minis i bwar diven ziska zot malad; zot vin gaga e lerwa i fer parey.

Oze 7:5 ပူးပေါင်းရင်းမြစ်များ

Zenez 40:20

Trwa zour plitar, Faraon ti ganny son lanniverser. Ti annan en gran lafet pour tou son bann serviter. Faraon ti fer sorti responsab labwason ek sef patisye dan prizon.

1 Rwa 13:4

Kan lerwa Zeroboanm ti'n antann sa ki profet Bondye ti'n dir kont lotel Betel, i ti lev son lanmen lo lotel e kriye: Atrap sa zonm. Me sa lanmen ki i ti'n leve kont sa zonm, ti paralize, de sort ki i pa ti kapab bes li lo son kote.

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Psonm 69:12

Bann ki asiz obor semen i malparl mwan; bann soular i konpoz mwan dan sanson.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Proverb 20:1

Diven i rann ensolan e labwason for i rann azite; sa enn ki les lalkol soul li, pa kapab vin saz.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 28:14

Alor! Bann ensolan ki domin sa pep ki reste Zerizalenm! Ekout parol SENYER.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Oze 7:3

Zot mesanste i anmiz lerwa; zot bann trik i fer plezir bann sef.

Matye 14:6

Zour lanniverser Herod, fiy Herodyad ti danse devan bann envite. Sa ti fer telman plezir Herod,

Mark 6:21

Sepandan, en bon lokazyon ti prezante kan Herod ti ganny son lanniverser. I ti fer en gran parti pour tou bann zofisye dan pale, bann sef larme ek bann dimoun enportan dan Galile.

Efezyen 5:18

Pa bezwen soul zot avek diven, akoz sa pou zis antrenn zot dan en lavi dezordonnen. O kontrer, zot devre ranpli avek Lespri Sen.