Oze 7:4 - Labib An Kreol Seselwa

⁴ Zot tou, zot in komet adilter. Zot parey en four ki en boulanze i sofe. Me i aret vey dife depi ki i'n petri lapat, ziska ki son lapat in fini leve.

Oze 7:4 ပူးပေါင်းရင်းမြစ်များ

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 9:1

Si zis mon latet ti en rezervwar delo e mon lizye en sours larm! Mon ti ava kapab plere lizour koman lannwit, pour bann viktim parmi mon pep.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Oze 4:10

Zot pou manze, me zot pou reste touzour lafen. Zot pou viv dan prostitisyon, me zot popilasyon pa pou ogmante, akoz zot nepli annan respe pour SENYER.

Oze 4:12

Mon pep i kestyonn son morso dibwa; son baton mazik ki donn li larepons. En divan prostitisyon in soufle lo zot e i'n fer zot egare. Zot in tonm dan prostitisyon akoz zot in elwannyen avek zot Bondye.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

1 Korentyen 5:6

Zot napa okenn rezon pour zot fer vantar. Zot pa konnen ki en pti pe lelven i fer monte lapat antye?

Let Zak 4:4

Bann adilter ki zot ete! Pa zot konnen ki lanmour pour lemonn i lennmi Bondye? Alor, sa enn ki oule fer zanmi avek lemonn i lennmi Bondye.