Oze 7:3 - Labib An Kreol Seselwa

³ Zot mesanste i anmiz lerwa; zot bann trik i fer plezir bann sef.

Oze 7:3 ပူးပေါင်းရင်းမြစ်များ

1 Rwa 22:13

Mesaze ki ti'n al apel Mise, ti dir li, “La tou bann profet, zot tou, zot in anons lerwa bon nouvel. Fodre ki ou osi ou parol i dakor avek pour zot; anons dibyen!”

1 Rwa 22:6

Lerwa Izrael ti rasanble anviron 400 profet. I ti dir zot, “Eski mon kapab al atak Ramot-Galaad oubyen non?” Zot ti reponn, “Ale! SENYER pou livre lavil dan lanmen lerwa.”

Zeremi 37:19

Oli ou bann profet ki ti anons ou ki lerwa Babilonn pa pou atak ou, ni sa pei?

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Oze 10:13

Ou'n senm lemal, ou'n rekolte krim e ou'n manz fri mansonz. Akoz ou'n kont lo ou prop lafors e lo ou gran larme,

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 5:11

Efraim pou ganny kraze par zizman, akoz i'n kontan swiv sa ki vid, san valer.

Oze 7:5

Zour lafet pour lerwa, bann minis i bwar diven ziska zot malad; zot vin gaga e lerwa i fer parey.

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Mise 7:3

Zot bann eksper dan sa ki mal. Bann sef ek bann ziz pe esper gous. Dimoun enportan i fer konnen sa ki zot anvi. Zot manigans ansanm pour fer ekstorsyon.

Romen 1:32

Zot konn byen zizman Bondye: Bann ki viv en tel lavi, zot merit lanmor. Pourtan, zot kontinyen komet sa bann aksyon. Anplis ki sa, zot aprouv bann ki komet sa bann aksyon.

1 Zan 4:5

Sa bann dimoun, zot koz dan fason lemonn e lemonn i ekout zot akoz zot zanfan lemonn.