Oze 7:2 - Labib An Kreol Seselwa

² Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Oze 7:2 ပူးပေါင်းရင်းမြစ်များ

Liv Zob 34:21

Annefe, lizye Bondye i swiv tou sa ki en zonm i fer e i war tou lepa ki i fer.

Psonm 10:11

I dir dan li menm: Bondye in oubliye; in kasyet son figir, i pa pou zanmen war nanryen.

Psonm 25:7

Oubliy bann pese ek bann fot dan letan mon lazenes. Dan ou fidelite, mazin mwan akoz ou telman bon, SENYER.

Psonm 50:22

Zot ki'n oubliy Bondye! Fer byen atansyon. Otreman, mon pou desir zot e personn pa pour vin delivre zot.

Psonm 9:16

SENYER in montre ki i ete. Dan son zizman, in fer bann move dimoun pri dan zot prop latrap.

Psonm 90:8

Ou'n met nou bann fot devan ou. Nou bann pese sekre i ganny devwale devan ou lalimyer.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 26:16

SENYER! Zot ti rod ou ler zot ti dan detres. Zot ti priye ler ou ti pe pini zot.

Ezai 44:19

Personn pa reflesir dan li menm; personn napa lentelizans ek disernman pour dir: Mon'n bril lanmwatye sa dibwa; mon'n osi kwi manze lo labrez, mon'n roti lavyann ki mon'n manze. Aprezan mon pou fer en stati degoutan avek leres. Mon pou fer reverans devan en morso dibwa.

Ezai 5:12

Lanmizik laarp ek lir, tanbouren, laflit ek diven i lakonpannyman dan zot bann lafet. Me zot pa remark sa ki SENYER in fer; ni travay ki son lanmen i'n akonpli.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 16:17

Mon war byen tou sa ki zot fer. Nanryen pa sap mwan; i kler ki zot koupab.

Zeremi 17:1

Pese Zida in ganny ekri avek lapwent an fer, ek en dyanman, lo tablet zot leker, lo bann korn dan kwen zot lotel.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Zeremi 32:19

Ou bann proze i gran; ou realiz zot avek pwisans. Ou port bokou latansyon lo tou sa ki dimoun i fer; ou tret sakenn zot dapre son kondwit e dapre fri son bann aksyon.

Zeremi 4:18

Tousala i ariv lo ou akoz mannyer ou'n viv e akoz tou sa ki ou'n fer. Ou pese i lakoz ou soufrans, ziska in pers ou leker.

Zeremi 44:21

“Pa krwar ki SENYER pa'n war, oubyen ki i'n oubliy tou sa bann lansan ki zot, zot zanset, zot lerwa, zot sef e zabitan ti ofer dan bann lavil Zida e dan bann lari Zerizalenm.

Ezekyel 21:29

Malgre bann fo vizyon lo ou, bann prediksyon mansonz ki'n ganny fer, la i'n pare pour koup likou bann malfeter, bann kriminel. Ou letan in fini; zour pour ou aret ou bann krim pe arive.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 4:9

Mon pou tret lepep ek bann pret parey. Mon pou fer zot rann kont pour zot konportman. Mon pou fer zot peye pour zot aksyon.

Oze 6:2

I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:15

Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Amos 8:7

SENYER in fer sa serman par Zakob: Mon pa pou zanmen oubliy zot bann aksyon.

Zonas 1:2

“Leve e al Niniv, sa gran lavil e anons en lavertisman kont li, akoz mon'n war tou sa bann move keksoz ki zot pe fer.”

Nonm 32:23

Me si zot pa gard zot promes, mon averti zot ki zot pou komet en pese devan SENYER. Konnen ki i pou pini zot pour sa pese.

Levanzil dapre Lik 12:2

Napa nanryen ki'n kouver ki pa pou ganny dekouver, e napa nanryen ki'n kasyet ki pa pou ganny devwale.

1 Korentyen 4:5

Alor, pa ziz personn avan son letan fikse. Espere ki zour Senyer i vini: Li menm ki pou met okler sa ki'n ganny kasyet dan fernwanr, e met okler bann lentansyon sekre ki dan leker imen. Alor, Bondye pou felisit sakenn, dapre sa ki i merite.

Deterononm 32:29

Si zot ti saz, zot ti ava'n konpran sa; zot ti ava'n disern zot lavenir.

Ebre 4:13

Napa nanryen dan kreasyon ki kapab reste kasyet devan Bondye. Kreasyon antye i ekspoze devan lizye sa enn avek ki nou bezwen rann kont.