Oze 7:14 - Labib An Kreol Seselwa

¹⁴ Zot pa apel mwan avek zot leker; me zot kriye lo zot lili; zot sizle zot lekor pour ganny diven ek dible; zot revolte kont mwan.

Oze 7:14 ပူးပေါင်းရင်းမြစ်များ

Egzod 32:6

Tou dimoun ti leve lannmen granmaten. Zot ti ofer bann sakrifis konplet ek bann sakrifis lape. Lepep ti asize manze, bwar. Apre, zot ti leve pour anmize.

Ezai 29:13

La sa ki SENYER i deklare: Sa i parey ler sa pep i apros mwan avek son labous. I onor mwan avek zis son lalev, me son leker i lwen avek mwan; respe ki i annan pour mwan, i zis en komannman zonm ki i'n aprann.

Ezai 52:5

Ki mon pe fer la, SENYER i deklare, ler mon war mon pep pe ganny anmennen san rezon? Son bann sef pe kriye, SENYER i deklare e mon non i ganny ensilte tou lazournen.

Ezai 65:14

Mon bann serviter pou sante avek lazwa dan zot leker; me zot, zot pou kriye avek douler dan zot leker; zot pou irle avek en lespri angwase.

Zeremi 12:2

Ou'n plant zot e zot in pran rasin; zot grandi e zot prodwi bann fri. Zot touzour pe dir dibyen lo ou. Selman, zot leker i lwen avek ou.

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Lamantasyon 2:18

Zerizalenm! Les ou miray kriy ver SENYER! Lannwit koman lizour, les ou larm koule parey en toran. Kontinyen plere menm; pa pran okenn repo.

Oze 13:16

Samari pou pey konsekans son krim, akoz in revolte kont Bondye. Zot pou ganny masakre; pti baba pou ganny kraze; fanm ansent pou ganny ouver vant.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 13:9

Izrael! Mon pou detri ou, lekel ki pou delivre ou?

Oze 3:1

SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.

Oze 8:2

Zot kriy ver mwan: Mon Bondye, nou Izrael, nou konn ou!

Amos 2:8

Kot bann lotel, zot dormi lo bann lenz ki zot in pran koman gaz avek bann malere. Dan tanp zot bondye, zot bwar diven ki zot in konfiske avek dimoun.

Amos 8:3

Senyer BONDYE i deklare: Sa zour, bann sanson dan pale, pou vin kantik dey. Pou annan en kantite lanmor. Bann kadav pou ganny zete partou. Partou pou silans.

Mise 2:11

Si en dimoun i pas letan envant mansonz, e anonse: Zot pou ganny diven ek labwason for! Sanmenm kalite profet ki sa pep i oule!

Zakari 7:5

Dir avek lepep pei antye e avek bann pret. Kan zot ti fer en zenn, kan zot ti plere lo senkyenm ek setyenm mwan pandan sa 70 an, eski pour mwan ki zot ti pe fer sa zenn?

Romen 16:18

Annefe, sa bann dimoun pa servi Kris, nou Senyer, me zot vant. Par zot bann zoli parol ek bann diskour flater, zot arive anbet dimoun ki lespri i senp.

Filipyen 3:19

Zot pe al ver zot prop pert. Zot vant i zot bondye; zot fyer pour sa ki ti devre fer zot onte; zot mazin zis bann keksoz materyel.

Let Zak 4:3

E kan zot demande, zot pa gannyen akoz zot mal demande. Zot demann zis pour zot prop plezir.

Let Zak 5:1

Zot bann ris! Aprezan ekoute: Plere, kriye akoz bann maler ki pou tonm lo zot.

Ziz 9:27

Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.