Oze 7:11 - Labib An Kreol Seselwa

¹¹ Efraim in vin parey en pizon timid san disernman. Zot demann led Lezip e zot al Asiri.

Oze 7:11 ပူးပေါင်းရင်းမြစ်များ

2 Rwa 15:19

Poul, lerwa Asiri, ti antre dan pei. Menahenm ti donn li 30 tonn larzan pour ed li konsolid son pouvwar rwayal.

2 Rwa 16:7

Akaz ti anvoy bann mesaze kot Tiglat-Pileser, lerwa Asiri, pour dir li, “Mwan ou serviter e ou garson. Monte e vin sov mwan dan lanmen lerwa Asiri ek lerwa Izrael, ki pe atak mwan.”

Proverb 15:32

Sa enn ki refiz lenstriksyon, i mepriz son prop lekor; sa enn ki ekout konsey, i aprann koman reflesir.

Proverb 17:16

Ki en sonm larzan i kapab fer dan lanmen en fou? Pour li aste lasazes? Non, i tro bet pour fer menm sa.

Proverb 6:32

Sa zonm ki komet adilter in perdi larezon; sa enn ki fer sa, i detri son lavi.

Zeremi 2:18

Aprezan, ki ou krwar ou pou gannyen ler ou al Lezip kot ou pou bwar delo larivyer Nil? Ki ou krwar ou pou gannyen ler ou al Asiri kot ou pou bwar delo larivyer Efrat?

Zeremi 2:36

Ou'n fasilman sanz ou semen, pour ou al kot bann bondye lezot nasyon. Bann Asiriyen in fer ou onte; bann Ezipsyen pou fer parey.

Oze 11:11

Zot pou arive an tranblan parey zwazo sorti Lezip, parey en group tourtrel sorti Asiri. Mon pou fer zot retourn se zot. SENYER ki'n deklare.

Oze 12:1

Efraim i nouri lo divan, i tay deryer divan Les tou lazournen; i miltipliy mansonz ek vyolans. In fer en lalyans avek Asiri, e i fourni delwil doliv Lezip.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 14:3

Asiri pa kapab sov nou, nou pa pou mont seval; nou pa pou koz ankor; nou pa pou dir ankor avek travay ki nou lanmen in fer: Ou nou Bondye. Ou ki pran pitye pour bann orfelen.

Oze 4:11

Diven ek diven nouvo i fer perdi latet.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Oze 5:13

Efraim i rekonnet son maladi, e Zida son bann blesir. Alor, Efraim in al ver Asiri e anvoy mesaze kot lerwa Yareb. Me sa lerwa pa pou kapab geri li, ni pran ka son bann boubou.

Oze 5:4

Zot bann aksyon pa permet zot retourn ver zot Bondye. Sa venen prostitisyon i tase dan zot, akoz zot pa konn SENYER.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:3

Zot pa pou reste dan pei SENYER; Efraim pou retourn Lezip, e i pou manz manze enpir Asiri.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Abdyas 1:7

Ou bann zanmi pou tronp ou, e ou pou ganny sase dan ou teritwar. Ou bann zanmi entim pou pran ou byen: Ou bann zanmi pros pou servi ou dipen pour trik ou. Zot nepli annan disernman.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.