Oze 7:1 - Labib An Kreol Seselwa

¹ Kan mon oule geri pep Izrael, mon war bann fot Efraim ek bann krim Samari: Zot malonnet; zot en bann voler ki kas lakaz; bann bandi ki vole dan semen.

Oze 7:1 ပူးပေါင်းရင်းမြစ်များ

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Ezai 59:12

Tou nou fot i la devan ou e nou bann pese i akiz nou. Nou bann fot pa kit nou e nou konn byen nou fot.

Ezai 59:13

Nou'n revolte e nou'n dezobei SENYER; nou'n trai li e nou pa'n swiv nou Bondye. Nou'n koz lopresyon ek revolt; nou'n konsevwar bann mansonz ki nou'n medite dan fon nou leker.

Ezai 59:14

Pour sa rezon, lazistis pa'n progrese e ladrwatir in rekile; laverite i ganny dezonore dan plas piblik e napa plas pour lonnekte.

Zeremi 51:9

Nou'n esey swanny Babilonn, me i pa'n kapab ganny geri. Annou abandonn li, annou kit sa pei e retourn kot nou. Son bann zizman in tous lesyel, i'n travers bann nyaz.

Ezekyel 16:46

Ou gran ser, Samari ek son bann fiy, i lo ou kote Nor, e ou pti ser, Sodonm, i lo ou kote Sid ek son bann fiy.

Ezekyel 23:4

Enn ti apel Ohola; lot ser ti apel Oholiba. Sa enn premye i reprezant Samari; lot i reprezant Zerizalenm. Sa de fiy ti pour mwan e zot ti ganny plizyer garson ek fiy.

Ezekyel 24:13

Zerizalenm! Ou bann aksyon imoral in sali ou. Menm ki mon ti oule pirifye ou, ou'n reste enpir. Ou pa pou ganny pirifye tan ki mon pa satisfer mon lakoler kont ou.

Oze 10:5

Bann zabitan Samari i tranble devan zot zenn bef. Zot pou port dey pour zot zidol e bann pret pou plere pour zot. Zot ava lamante pour laglwar ki'n al annegzil lwen avek zot.

Oze 11:12

Efraim in antour mwan avek mansonz. Izrael in anvlop mwan dan son bann tronpri; me Zida i reste fidel e i mars avek Bondye sen.

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Oze 12:1

Efraim i nouri lo divan, i tay deryer divan Les tou lazournen; i miltipliy mansonz ek vyolans. In fer en lalyans avek Asiri, e i fourni delwil doliv Lezip.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 4:17

Efraim in asosye zot avek bann zidol: Les li!

Oze 4:2

I annan zis malediksyon, mansonz, krim, vol, adilter. Zot pas letan dan vyolans e fer krim enn apre lot.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Oze 6:4

SENYER i reponn: Ki mon pou fer pour ou, Efraim? Ki mon pou fer pour ou, Zida? Ou lanmour i parey nyaz granmaten, parey laroze granmaten, ki disparet.

Oze 7:13

Maler lo zot! Zot in sov lwen avek mwan! Zot pou ganny detri akoz zot in revolte kont mwan. Mon pou delivre zot, me zot dir mansonz kont mwan.

Oze 8:5

Samari! Ou zenn bef i ganny rezete. Mon lakoler in monte kont zot. Konbyen letan zot pou kapab viv en lavi inosan?

Oze 8:9

Zot in al Asiri parey en bourik sovaz ki tousel. Efraim in bezwen peye pour li ganny galan.

Amos 3:10

SENYER i deklare: Bann zabitan Samari pa konn viv dan en fason onnet; zot ranpli zot pale avek vyolans ek bann lobze vole.

Amos 3:9

Al anons dan bann pale Asdod e dan bann pale Lezip: Rasanble zot lo bann montanny Samari, zot ava war bann gran dezord ek vyolans ki pe ganny komet se li.

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Mise 6:16

Ou'n gard bann lalwa Omri, e tou bann pratik lafanmir Akab; ou'n swiv tou zot konsey. Alor, mon pou detri ou lavil; dimoun pou monk bann zabitan e ou pou tonm dan laont.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

Levanzil dapre Lik 13:34

Zerizalenm, Zerizalenm! Ou ki touy bann profet e donn koudros bann ki Bondye in anvoy kot ou! Konbyen fwa mon ti oule rasanble ou bann zanfan, parey en mer poul i rasanble son bann piti anba son lezel, me ou pa'n oule!

Levanzil dapre Lik 19:42

I ti dir, “Si ozordi ou ti konnen ou osi, ki mannyer pour trouv lape! Me aprezan in ganny kasyet pour ou!