Oze 6:4 - Labib An Kreol Seselwa

⁴ SENYER i reponn: Ki mon pou fer pour ou, Efraim? Ki mon pou fer pour ou, Zida? Ou lanmour i parey nyaz granmaten, parey laroze granmaten, ki disparet.

Oze 6:4 ပူးပေါင်းရင်းမြစ်များ

Zeremi 3:10

Apre tousala, Zida, sa ser Izrael, sa tret, ti fer sanblan ki i ti pe retourn ver mwan. I pa ti senser,” SENYER i deklare.

Zeremi 3:19

SENYER i deklare: Mon ti'n deside plas ou parmi bann garson prefere e donn ou en zoli pei, pei ki pli zoli omonn. Mon'n oule ki zot apel mwan Papa e ava reste fidel anver mwan.

Zeremi 34:15

Zot, o kontrer, zot in sanz zot lide ki'n fer mwan plezir: Zot tou, zot in met zot dakor pour rann laliberte zot prosen. Zot in fer en lalyans devan mwan dan tanp kot mon non in ganny konsakre.

Zeremi 5:23

Me ou, ou en pep antete ki toultan pe revolte. Ou'n abandonn mwan e ou'n swazir ou prop semen.

Zeremi 5:7

Akfer mon bezwen pardonn pese mon pep? Zot in abandonn mwan, zot in al ador bann fo bondye. Mon'n nouri mon pep ziska zot rasazye. Me zot in komet adilter; zot al pas zot letan kot bann prostitye.

Zeremi 5:9

Pa i'n ler pour mwan pini zot pour tousala, SENYER i deklare? Pa mon bezwen pran mon revanz lo en tel nasyon?

Zeremi 9:7

Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Oze 11:8

Ki mannyer mon pou kapab abandonn Efraim, e debarase avek ou, Izrael? Ki mannyer mon pou kapab tret ou parey Adma, e tret ou parey avek Seboim? Sa lide i boulvers mon leker, mon konpasyon i tro for.

Oze 13:3

Alor, zot pou parey brouyar granmaten, oubyen laroze ki disparet dan en pti moman. Zot parey lapay dible oubyen lafimen ki sorti par lafnet.

Oze 7:1

Kan mon oule geri pep Izrael, mon war bann fot Efraim ek bann krim Samari: Zot malonnet; zot en bann voler ki kas lakaz; bann bandi ki vole dan semen.

Matye 13:21

Me Laparol pa'n pran rasin dan zot; i pa reste dan zot leker pour lontan. Alor, osito ki troub oubyen persekisyon i arive akoz Laparol, deswit zot tonbe.

Ziz 3:12

Pep Izrael ti rekonmans fer bann aksyon ki ti depler SENYER. Akoz Izrael ti pe mal fer, SENYER ti ankouraz Eglonn, lerwa Moab, pour azir kont zot.