Oze 6:3 - Labib An Kreol Seselwa

³ Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Oze 6:3 ပူးပေါင်းရင်းမြစ်များ

2 Samyel 23:4

i parey bomaten ler soley pe leve dan en lesyel kler san nyaz; lasaler son reyon ek lapli verdir i sorti dan later.

Liv Zob 29:23

Zot ti esper mwan parey ou esper lapli; zot ti ouver labous konmsi pour resevwar premye gout.

Psonm 19:4

Me zot mesaz i ganny tande partou lo later. Zot parol i fer letour lemonn. Bondye in dres en latant pour soley.

Psonm 19:6

I leve lo en bout lorizon e i fini son lakours lo lot kote. Napa nanryen ki sap son lasaler.

Psonm 63:8

Mon atase avek ou; ou lanmen pwisan i soutenir mwan.

Psonm 65:9

Ou pran swen avek later. Ou fer lapli tonbe, ou anrisi li e rann li fertil. Larivyer Bondye i plen avek delo; ou donn bon rekolt bann zabitan later. La koman ou prepar later:

Psonm 72:6

I ava parey lapli ki tonm lo laplenn, e lapli ki aroz later.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Ezai 32:15

ziska zour Lespri sorti lao dan lesyel ava desann lo nou. Alor, dezer pou vin en plantasyon fri, en verze ki vin parey en lafore.

Ezai 44:3

Annefe, mon pou aroz sa later ki swaf e fer koule bann sours lo later ki sek. Mon pou donn mon lespri ou desandans e mon benediksyon ou bann prozenitir.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 54:13

SENYER ki pou edik tou ou bann zanfan, e zot pou viv dan lape.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Oze 10:12

Senm lazistis e ou ava rekolte fidelite. Defris en nouvo plantasyon: Letan in arive pour ou tourn ver SENYER, pour mwan vin devers lazistis lo ou.

Oze 14:5

Mon pou vin en laroze pour Izrael; i pou fleri parey en lis; i pou pran rasin parey pye dibwa dan lafore Liban.

Oze 14:6

Son bann brans pou tale, son labote pou parey pye zoliv, son loder pou santi bon parey montanny Liban.

Oze 2:20

Mon pou reganny ou par mon fidelite e ou ava konn SENYER.

Mise 4:2

Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.

Mise 5:7

Leres desandan Zakob, parmi bann nasyon nonbre, ava parey en laroze ki sorti kot SENYER, parey en zanbren lapli lo zerb, e ki pa depann lo okenn imen. Zot pa esper nanryen sorti kot personn.

Zakari 10:1

Demann SENYER fer lapli tonbe dan sezon prentan. SENYER ki provok loraz, ki donn ou lapli annabondans e i pou fer pouse zerb partou.

Malasi 4:2

Me pour zot ki annan respe pour Bondye, soley lazistis pou lev lo zot e son bann reyon pou anmenn gerizon. Zot pou sorti e sote parey bann zenn bef ki sorti dan park.

Matye 13:11

Zezi ti reponn, “Avek zot, sekre Rwayonm Bondye in ganny revele. Me sa sekre pa ankor ganny revele avek sa bann.

Levanzil dapre Lik 1:78

Gras a labonte nou Bondye, son lalimyer pou ekler nou depi lao dan lesyel.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Akt de Zapot 17:11

Bann zabitan ti annan en pli bon santiman ki bann Zwif Tesalonik: Zot ti resevwar Parol Bondye avek bokou lentere. Tou le zour zot ti etidye Lekritir pour war si sa ki Pol ti dir zot, ti vre.

Deterononm 32:2

Mon lansennyman i tonm parey lapli, e mon bann parol i koule parey gout laroze; parey grenas lo zerb, parey bann gout delo lo gazon.

Ebre 3:14

Annefe, nou kolaborater Kris, si nou gard solidman ziska lafen, sa konfyans ki nou'n resevwar depi o konmansman.

2 Pyer 1:19

Ensi, nou osi annan konfyans dan parol solid bann profet. Zot annan rezon port bokou latansyon lo la, akoz i koman en lalimyer ki briye dan fernwanr, ziska ki lizour i fer e zetwal granmaten i leve e briy dan zot leker.

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.