Oze 6:2 - Labib An Kreol Seselwa

² I pou redonn nou lavi apre de zour; dan trwazyenm zour i pou releve nou, pour nou viv ankor dan son prezans.

Oze 6:2 ပူးပေါင်းရင်းမြစ်များ

Zenez 17:18

Alor, Abrahanm ti dir Bondye, “Mon swete ki Ismael ava viv dan ou prezans.”

2 Rwa 20:5

“Retournen, e dir Ezekyas, sef mon pep: La sa ki SENYER, Bondye ou papa David i deklare: Mon'n antann ou lapriyer, mon'n war ou larm. Mon pou geri ou; dan trwa zour ou pou mont dan tanp SENYER.

Psonm 61:7

pour ki i reste lo tronn pour touzour devan ou. Mon Bondye! Dan ou fidelite ek ou bonte, protez li.

Psonm 71:20

Menm si ou'n fer mwan konn maler ek soufrans, ou pou redonn mwan lavi; ou pou fer mwan remonte, sorti dan profonder later.

Eklezyas 3:3

I annan en letan pour touye e en letan pour gerir; en letan pour demolir e letan pour konstrir.

Ezai 26:19

Ou bann mor pou reviv, zot pou leve. Zot ki pe dormi dan lapousyer! Leve dan lazwa! Akoz ou laroze pou briye e later ava redonn lavi bann ki'n mor.

Ezai 30:26

Sa zour SENYER pou met pansman lo blesir son pep, e geri son boubou. Lalin pou briye parey soley e lalimyer soley pou set fwa pli for, konmsi lalimyer pour set zour.

Oze 13:14

Mon pou liber zot dan lemonn lanmor. Mon pou sov zot dan pouvwar lanmor. Lanmor! Oli ou bann zarm? Lanmor, montre ou pouvwar touye! Mon pou nepli annan pitye pour sa pep.

Oze 7:2

Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Levanzil dapre Zan 14:19

Dan ankor en pti pe letan, lemonn pa pou war mwan ankor. Me zot, zot pou war mwan, akoz, mwan, mon vivan, e zot osi, zot pou viv.

Romen 14:8

Si nou viv, nou viv pour Senyer; si nou mor, nou mor pour Senyer. Alor, swa ki nou viv, swa ki nou mor, nou apartenir pour Senyer.

1 Korentyen 15:4

I ti ganny met dan tonbo e in resisite son trwazyenm zour, parey Lekritir ti'n anonse