Oze 6:11 - Labib An Kreol Seselwa

¹¹ Pour ou osi Zida, byento mon pe prepar en rekolt, mon pou retabli destinen mon pep.

Oze 6:11 ပူးပေါင်းရင်းမြစ်များ

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Psonm 126:1

Zour SENYER ti retabli Zerizalenm, nou ti krwar ki nou ti pe reve.

Psonm 85:1

SENYER! Ou'n montre ou lanmour anver ou pei; ou'n retabli sityasyon Zakob.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 51:33

Annefe, la sa ki SENYER liniver, Bondye Izrael i deklare: Byento Babilonn pou ganny kraze parey en ta dible ki pe al ganny pile. Letan pour rekolte in arive.

Zoel 3:13

Lans zot fosi, rekolt in mir. Vini, vin pile, akoz moulen rezen in plen; bann basen pe deborde. Zot mesanste in depas limit.

Mise 4:12

Me zot pa konn plan SENYER; zot pa konpran son proze. In rasanble zot parey pake dible la kot zot ganny bate.

Sofoni 2:7

Leres sirvivan pep Zida ki pou okip sa rezyon, kot zot pou sonny zot bann zannimo. Aswar, zot pou al dormi dan bann lakaz Askelonn. SENYER, zot Bondye, pou azir dan zot faver. I pou retabli zot sityasyon.

Revelasyon 14:15

En lot lanz ti sorti dan Tanp. Avek en lavwa for i ti kriy avek sa enn ki ti pe asiz lo sa nyaz: Lans ou fosi e rekolte. Ler in arive pour rekolte, akoz later in mir pour fer rekolt.