Oze 5:9 - Labib An Kreol Seselwa

⁹ Zour SENYER i pini Efraim, i pou vin zis en dezer. Sa ki mon pe anons Izrael i en fe serten.

Oze 5:9 ပူးပေါင်းရင်းမြစ်များ

Liv Zob 12:14

Sa ki Bondye in demoli, personn pa kapab rekonstri. Personn pa kapab delivre sa enn ki i met dan prizon.

Ezai 37:3

Zot ti dir li, la sa ki Ezekyas i dir: Ozordi i en zour tris, en zour pinisyon, en zour laont; ler lakousman in arive, me manman napa lafors pour donn nesans.

Ezai 46:10

Depi konmansman, mon'n anons lavenir e depi lontan davans, sa ki pa ankor arive. Mon'n dir davans: Mon pou realiz mon plan e mon pou rakont li tou sa ki fer mwan plezir.

Ezai 48:3

Bann levennman ki mon'n anons par mon labous, ki mon'n fer konnen depi lontan, la en sel kou, mon'n azir e fer zot vin realite.

Ezai 48:5

depi lontan mon'n anons tousala; mon'n fer konnen avan zot arive. Konmsa, ou pa pou kapab dir: Mon bann zidol ki'n fer sa; mon bann bondye an bwa oubyen an metal ki'n ordonn sa.

Ezai 7:16

Avan menm ki sa zanfan i konn rezet sa ki mal e swazir sa ki byen, pei sa de lerwa ki fer ou per, ava'n vin en dezer.

Oze 5:12

Mon pou parey en labse pour Efraim e en lapouritir pour pep Zida.

Oze 5:14

Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.

Oze 7:12

Letan zot pe ale, mon zet en latrap lo zot; mon fer zot tonbe parey zwazo; mon pou koriz zot pour krim ki zot in fer.

Oze 8:8

Izrael in ganny anvale. Aprezan, parmi bann nasyon, i parey en lobze san valer.

Oze 9:7

Sa zour in arive, zour rann kont in arive: Izrael pou konnen! Profet in vin fou, sa zonm ki'n ganny enspire pe rabase, akoz grander ou krim ek latak vyolan.

Amos 3:7

Annefe, Senyer BONDYE pa fer nanryen, san revel son plan avek son bann serviter, bann profet!

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Mise 6:13

Pour sa rezon, mon'n konmans tap ou. Mon pe detri ou akoz ou bann pese.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Levanzil dapre Zan 16:4

Mon'n dir zot sa, pour ki kan sa letan i arive, zot ava rapel sa ki mon'n dir zot.” “Mon pa'n dir zot sa depi o konmansman, akoz mon ti la avek zot.