Oze 5:14 - Labib An Kreol Seselwa

¹⁴ Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.

Oze 5:14 ပူးပေါင်းရင်းမြစ်များ

Liv Zob 10:16

Me konman mon lev latet, ou sas mwan parey en tig. Ou kraz mwan ankor anba ou pwisans.

Liv Zob 10:7

Me ou konnen ki mon pa koupab, e ki personn pa kapab aras mwan dan ou lanmen.

Psonm 50:22

Zot ki'n oubliy Bondye! Fer byen atansyon. Otreman, mon pou desir zot e personn pa pour vin delivre zot.

Psonm 7:2

avan ki zot desir mwan parey en lyon e trenn mwan avek zot, san ki personn i sov mwan.

Ezai 5:29

Zot kriy parey en lyon, zot gronnyen parey en pti lyon; zot anmenn zot viktim dan bann landrwa sir, kot personn pa kapab vin pran.

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Lamantasyon 3:10

SENYER in azir anver mwan parey en lours ki pare pour atake, parey en lyon ki'n kasyet dan brousay.

Oze 13:6

Mon ti nouri zot, e zot ti rasazye; zot leker ti fyer e zot ti oubliy mwan.

Oze 2:12

Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Oze 6:1

Zot dir: Annou retour ver SENYER. I'n desir nou, me i ava geri nou. I'n bles nou, me i ava pans nou blesir.

Amos 2:14

Menm sa enn ki tay vit pa pou kapab sove; menm bann ki pli for pa pou kapab servi zot lafors; Bann pli bon gerye pa pou kapab sov zot lavi.

Mise 5:8

Alor, parmi bann nasyon nonbre, leres desandan Zakob, pou koman en lyon parmi bann zannimo lafore, parey en zenn lyon dan en troupo mouton. Partou kot i pase, i kraz e desir son bann viktim, san ki personn i kapab vin delivre zot.

Deterononm 28:31

Ou bef pou ganny egorze devan ou lizye, me ou pa pou gout son lavyann. Ou bourik pou ganny vole devan ou e personn pa pou rann ou. Ou bann mouton ava ganny donnen avek ou bann lennmi san ki personn ava vin ed ou.

Deterononm 32:39

Aprezan, gete! Mwan menm mwan, zis mwan ki la; napa en lot bondye apar mwan. Mwan ki donn lanmor e ki donn lavi. Mwan ki blese e ki geri. Personn pa kapab delivre sa enn ki dan mon lanmen.