Oze 4:9 - Labib An Kreol Seselwa

⁹ Mon pou tret lepep ek bann pret parey. Mon pou fer zot rann kont pour zot konportman. Mon pou fer zot peye pour zot aksyon.

Oze 4:9 ပူးပေါင်းရင်းမြစ်များ

Proverb 11:31

Si sa enn ki zis i ganny rekonpanse lo later, malfeter ek peser pour osi ganny zot rekonpans.

Proverb 12:14

Parey travay fer avek lanmen i donn en saler, parol sorti dan labous, i anmenn sikse.

Proverb 5:22

Malfeter i ganny pri dan son prop latrap. Lasenn son pese i anpay li.

Ezai 24:2

Sa pou arive avek tou: Pret koman laik; met koman lesklav; bourzwa koman serviter; vander koman aster; sa ki prete koman preter; sa enn ki andete koman sa enn ki donn kredi.

Ezai 3:10

Dir sa ki inosan koman i ere, akoz i pou rekolte fri son travay.

Zeremi 5:31

Bann profet i koz manti. Bann pret i ansenny zis sa ki fer zot plezir, e mon pep i trouv sa normal. Me ki zot pou fer kan tousala i fini?

Ezekyel 44:10

Bann levit ki'n abandonn mwan anmenmtan ki Izrael ti detournen avek mwan pour al ver bann zidol, zot pou sibir konsekans zot pese.

Ezekyel 44:12

Me akoz zot ti servi devan bann zidol e zot in fer pep Izrael tonm dan pese, mon ti fer en serman kont zot, ki zot ava port konsekans zot pese. Senyer BONDYE ki'n deklare.

Oze 1:4

SENYER ti dir Oze: Apel li Zizreel, akoz dan ankor en pe letan mon pou fer lafanmir Zehou peye pour krim ki zot in komet dan lapenn Zizreel. Mon pou met en lafen avek rwayonm Izrael.

Oze 10:10

Mon pou pini zot akoz zot atase avek zot krim. Bann nasyon pou met zot ansanm kont zot.

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 12:3

Dan vant son manman, i ti atrap son frer par son talon, e kan in grand, i'n lager avek Bondye.

Oze 7:2

Zot pa mazinen ki mon war tou keksoz mal ki zot fer. Zot bann aksyon i anvlop zot. Tou sa ki zot fer i devan mwan.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Oze 9:15

Tou zot move aksyon ti konmans depi Gilgal; la ki mon ti konmans deteste zot. Akoz zot move aksyon, mon pou sas zot se mwan. Mon pa pou kontinyen kontan zot; zot bann sef, zot tou, zot bann rebel.

Oze 9:9

Zot in tonm pli ba dan lemal, parey Gibea lontan. Bondye i rapel zot krim, i pou fer zot rann kont zot pese.

Zakari 1:6

Sepandan mon bann parol, mon bann desizyon ki mon ti'n donn mon bann serviter, bann profet, pa i'n ariv ziska kot zot bann zanset? Alor, zot ti repanti e zot ti dir: SENYER liniver in deside tret nou dapre nou mannyer viv e nou mannyer fer.

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”