Oze 4:3 - Labib An Kreol Seselwa

³ Pour sa rezon pei pou dan dey, son bann zabitan pe deperi ansanm avek bann zannimo sovaz, bann zwazo dan lesyel. Menm bann pwason dan lanmer pe disparet.

Oze 4:3 ပူးပေါင်းရင်းမြစ်များ

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Zeremi 12:4

Later i sek, zerb in fletri. Zannimo ek zwazo pe mor. Tousala, akoz mesanste sa bann dimoun ki'n dir: Bondye pa war sa ki nou pe fer.

Zeremi 23:10

Sa pei i ranpli avek dimoun ki komet adilter. Akoz malediksyon Bondye, pei i an dey, e zerb i konpletman sek. Zot taye pour fer sa ki mal e zot servi zot kouraz pou fer sa ki devret.

Zeremi 4:25

Mon ti gete: Mon pa ti war okenn zabitan, e tou bann zwazo ti'n sove.

Zeremi 9:10

Mon pou lamante lo bann montanny e plere pour bann laplenn, akoz zot in ganny brile. Personn pa pase e nepli annan tapaz bann troupo. Zwazo ek zannimo sovaz in ale; pa reste nanryen.

Zeremi 9:9

Bann zans parey, pa mon pou bezwen fer zot rann kont? Pa mon pou bezwen tir mon vanzans lo en tel nasyon?

Ezekyel 38:20

Pwason dan lanmer, zwazo dan lezer, bann zannimo sovaz, sa ki ranpe lo later, tou bann imen, pou tranble devan mon prezans. Montanny pou afese, ros dan montanny pou degrengole, tou miray pou degrennen.

Zoel 1:18

Gete! Bann zannimo pe kriye. Zot in disperse partou akoz napa zerb; menm bann mouton pe soufer.

Amos 1:2

Amos ti dir: SENYER i kriye depi Siyon, e i fer antann son lavwa depi Zerizalenm. I annan dezolasyon dan laplenn. Latet montanny Karmel i sek.

Amos 5:16

Alor, la sa ki SENYER, Bondye liniver, SENYER i deklare: Dan bann semen lavil, dimoun pou antann zis bann kantik dey, ek bann kriye lafreyer dan bann plas piblik. Bann fermye pou ganny apele pour zot fer dey e bann fanm pou vin sant kantik dey.

Amos 8:8

Pour sa rezon, later pou tranble. Tou bann zabitan pou an dey. Pei antye pour ganny sekwe; i pou leve e desann parey larivyer Nil dan Lezip.

Nahoum 1:4

I komann lanmer e lanmer i vin sek; i fer sek tou bann larivyer. Laplenn Basann ek Karmel i deperi; fler Liban i fletri.

Sofoni 1:3

Mon pou fer disparet tou et imen ek tou zannimo, bann zwazo dan lesyel ek bann pwason dan lanmer. Mon pou fer tonbe bann malfeter ek bann ki pous zot pour mal azir. Mon pou fer disparet tou bann et imen lo later, SENYER ki deklare.

Zakari 5:4

La sa ki SENYER liniver i deklare: Mon'n lans sa malediksyon; i pou antre dan lakaz sa voler e dan lakaz sa enn ki'n fer fo serman lo mon non. I pou reste dan sa lakaz e detri tou; menm son bann poto ek son bann ros.