Oze 4:14 - Labib An Kreol Seselwa

¹⁴ Mon pa pou fer zot bann fiy rann kont pour zot prostitisyon, ni zot bann belfiy pour zot adilter. Annefe, zot menm, bann pret, zot al kot bann prostitye, zot partaz repa sakre avek bann prostitye dan tanp. En pep san disernman pe al ver son destriksyon.

Oze 4:14 ပူးပေါင်းရင်းမြစ်များ

1 Rwa 15:12

I ti fer disparet bann prostitye sakre dan pei e retir tou bann zidol ki son bann zanset ti'n fer.

2 Rwa 23:7

I ti detri bann lakaz bann zonm prostitye ki ti dan tanp SENYER, la kot bann fanm ti fabrik lenz pour ladorasyon Asera.

Proverb 28:5

Malfeter pa konpran lazistis; me sa enn ki rod SENYER i konpran tou.

Ezai 1:5

Akoz ou rod ganny bate ankor? Akoz ou kontinyen revolte? Ou latet i malad e ou leker i soufer.

Ezai 27:11

Ler bann brans i sek, zot ganny kase; bann fanm i vin met dife. Sa pep i san konpran. Pour sa rezon ki sa enn ki'n fer li, pou san pitye pour li; sa enn ki'n form li pa pou fer li okenn faver.

Ezai 56:11

Me zot, zot en bann lisyen voras ki pa zanmen ase manze. Zot en bann berze ki pa konpran nanryen. Sakenn i swiv son prop semen, sakenn i rod zis son lentere.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Oze 14:9

Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Oze 4:1

Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Oze 4:17

Efraim in asosye zot avek bann zidol: Les li!

Oze 5:4

Zot bann aksyon pa permet zot retourn ver zot Bondye. Sa venen prostitisyon i tase dan zot, akoz zot pa konn SENYER.

Amos 2:7

Zot kraz bann malere dan lapousyer. Zot napa respe pour okenn drwa bann ki feb. En zonm i dormi avek menm fanm ki son papa; sa i en ensilt pour mon loner.

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”

Nonm 25:3

Konmsa, ki Izrael ti ador Baal-Peor e SENYER ti ankoler kont zot.

Levanzil dapre Zan 8:43

Akoz zot pa konpran sa ki mon dir zot? Sa i akoz zot pa kapab konpran mon lansennyman.

Romen 3:11

Napa personn ki annan disernman, personn pa rod Bondye.

1 Korentyen 6:16

Eski zot pa konnen ki sa enn ki al avek en prostitye i vin en sel lekor avek li? Annefe, i'n ganny ekri: Tou le de pou vin en sel laser.

Efezyen 4:18

Zot lespri i dan fernwanr. Zot napa okenn par dan sa nouvo lavi ki Bondye i donnen, akoz zot konpletman inyoran e zot refize ekoute.

Deterononm 23:17

Pa pou annan okenn prostitye dan tanp parmi bann fiy Izrael. Pa pou annan okenn prostitye dan tanp parmi bann garson Izrael.

Ebre 12:8

Si zot pa ganny korize parey tou zanfan, alor, zot pa bann vre zanfan, me bann zanfan ilezitim.