Oze 4:13 - Labib An Kreol Seselwa

¹³ Zot ofer sakrifis lo latet bann montanny. Zot bril lansan lo bann kolin, anba nenport pye dibwa ki donn bon lonbraz. Pour sa rezon ki zot bann fiy i dan prostitisyon, e zot bann belfiy i komet adilter.

Oze 4:13 ပူးပေါင်းရင်းမြစ်များ

2 Rwa 17:7

Sa ti arive akoz pep Izrael ti'n fer pese kont SENYER zot Bondye ki ti'n fer zot sorti Lezip e delivre zot dan lanmen Faraon, lerwa Lezip; osi akoz zot ti'n ador lezot bondye.

2 Rwa 23:7

I ti detri bann lakaz bann zonm prostitye ki ti dan tanp SENYER, la kot bann fanm ti fabrik lenz pour ladorasyon Asera.

Ezai 1:29

Alor, bann pye dibwa sakre ki zot ti adore pou fer zot onte; zot pou kanmi avek zot bann zarden sakre ki zot ti fer.

Ezai 57:5

Zot brile anndan avek move dezir anba bann pye dibwa sakre, anba tou pye dibwa avek feyaz ver. Zot ofer an sakrifis zot zanfan dan bann vale, obor larivyer, dan lafant ros.

Ezai 57:7

Zot in enstal zot landrwa dormi anler lo en montanny tre o. Laba, ki zot in monte pour ofer zot sakrifis.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:6

Dan letan ki Zosyas ti lerwa, SENYER ti dir mwan, “Eski ou'n war sa ki Izrael in fer? Parey en fanm ki tronp son mari, in al lo bann kolin bwaze kot i azir parey en prostitye anba sa pye dibwa ki son feyaz i ver.

Zeremi 44:8

Akoz zot provok mon lakoler par zot bann move aksyon e par bann sakrifis an loner bann bondye dan pei Lezip, kot zot in vin reste? Sa ki zot pe fer, pe detri zot e fer zot vin en legzanp malediksyon ek laont pour tou bann nasyon dan lemonn.

Ezekyel 16:16

Ou ti servi en pe ou bann zoli lenz kouler pour dekor bann landrwa sakre, kot ou ti abandonn ou dan prostitisyon. Sa pa ti'n deza arive e i pa pou zanmen ariv ankor.

Ezekyel 16:25

Dan tou kwen semen, ou ti annan bann lakaz kot ou ti servi ou labote e livre ou lekor avek tou sa ki pase. Tou le zour, ou lavi prostitisyon ti ogmante.

Ezekyel 6:13

Ou ava konnen ki mwan menm SENYER, ler zot kadav ava fannen parmi zot bann zidol toultour zot bann lotel, lo sak kolin, lo sak montanny, anba sak zarbis ver e anba sak pye dibwa ki annan feyaz, partou kot zot ofer sakrifis devan zot zidol.

Oze 10:8

Bann landrwa sakre Aven, la kot Izrael in fer pese, pou ganny detri. Rons ek pikan pou pous lo zot bann lotel. Zot pou dir avek montanny: Kouver nou! Avek kolin: Tonm lo nou!

Oze 11:2

Plis mon apel zot, plis zot elwanny zot avek mwan; zot kontinyen ofer sakrifis devan Baal, e ofer lansan devan bann zidol.

Oze 2:13

Mon pou fer li peye pour letan ki i'n pase avek bann Baal. I ti ofer zot lansan. I ti abiye dan bag ek kolye pour zot. I ti swiv son bann galan, me mwan, i ti oubliye. SENYER ki deklare.

Amos 7:17

Alor, la sa ki SENYER i deklare: Ou fanm pou vin en prostitye dan lavil; ou bann zanfan pou mor dan lager; ou later pou ganny arpante e partaze. Ou menm, ou pou mor dan en pei etranze e pep Izrael pou ganny deporte lwen avek zot pei.”