Oze 4:1 - Labib An Kreol Seselwa

¹ Izrael, ekoute! Ekout parol SENYER! SENYER i annan en lakizasyon kont bann zabitan sa pei, akoz napa ni lwayote, ni fidelite, ni konnesans Bondye dan sa pei.

Oze 4:1 ပူးပေါင်းရင်းမြစ်များ

1 Rwa 22:19

Alor, Mise ti dir, “Ekout parol SENYER. Mon'n war SENYER pe asiz lo son tronn e larme lesyel antye avek li, dan son kote drwat ek dan son kote gos.

Psonm 81:9

I pa devre annan bondye etranze parmi zot; ou pa devre ador okenn bondye etranze.

Ezai 1:10

Dirizan Sodonm! Ekout parol SENYER! Pep Gomor! Ekout lansennyman nou Bondye!

Ezai 1:18

SENYER in deklare: Aprezan vini, annou diskite: Si zot bann pese i rouz, zot pou vin blan parey lannez. Menm si zot rouz fonse, zot pou vin blan parey lalenn.

Ezai 28:14

Alor! Bann ensolan ki domin sa pep ki reste Zerizalenm! Ekout parol SENYER.

Ezai 34:1

Aprose bann nasyon! Vin ekoute! Bann pep! Port atansyon! Later avek tou son konteni! Ekoute! Lemonn avek tou sa ki i prodwi! Ekoute!

Ezai 34:8

I en zour vanzans pour SENYER; en lannen regle kont dan faver Siyon.

Ezai 5:3

Alor, mon lanmoure ti dir: Aprezan zot ki reste Zerizalenm! Zot ki reste Zida! Zot menm zize ant mwan ek mon plantasyon rezen.

Ezai 59:4

Personn pa port plent dapre lazistis; personn pa defann dapre laverite; zot pled dan vid, zot koz manti; zot konsevwar sa ki mal e zot anmenn maler.

Ezai 59:8

Zot pa konn semen lape; zot pa les okenn tras lazistis deryer zot. Zot in fer semen ki ranpli avek kontour; sa ki pran sa semen pa konnen kisisa lape.

Ezai 66:5

Ou ki annan respe pour parol SENYER, ekout sa ki i dir: Ou prop frer ki ay ou, ki'n rezet ou akoz mwan, in dir: SENYER i montre ou son laglwar, pour ki nou war zot lazwa. Me se zot ki ganny kouver avek laont.

Zeremi 11:7

Annefe, depi letan mon ti fer zot zanset sorti dan pei Lezip e ziska ozordi, mon pa'n zanmen arete demann zot pou obei mon lavwa.

Zeremi 19:3

Ou ava dir zot: Lerwa Zida, e zabitan Zerizalenm! Ekout parol SENYER. La sa ki SENYER liniver, Bondye Izrael i deklare: Gete! Mon pou anvoy en tel dezas lo sa later, ki tou dimoun ki ava antann sa ki'n arive pou tranble ek lafreyer.

Zeremi 2:4

Tou bann desandan Zakob! Tou bann tribi Izrael!

Zeremi 2:9

Pour sa bann rezon, mwan, SENYER, mon deklare: Mon pou kontinyen akiz zot. Mon pou akiz osi zot bann desandan.

Zeremi 25:31

Son lavwa pou rezonnen dan tou kwen later. SENYER in ouver en prose kont bann nasyon. I pou apel tou dimoun devan tribinal pour zizman. Bann malfeter pou ganny masakre, SENYER i deklare.

Zeremi 34:4

Me, Sedesyas! Ou ki lerwa Zida, ekout sa ki SENYER i deklare: Ou pa pou ganny masakre.

Zeremi 4:22

Mon pep i san konpran. Zot pa konn mwan koman zot Bondye. Zot parey bann zanfan fou, ki pa konpran nanryen. Zot eksper dan fer sa ki mal, me zot pa konn fer sa ki byen.

Zeremi 4:28

Pour sa rezon, later pou an dey. Lesyel pou vin nwanr. Annefe, mon'n dir e mon'n deside, mon pa regret nanryen, mon pa pou retourn annaryer.

Zeremi 5:4

Alor mon'n dir dan mwan menm: Zot zis dimoun senp; zot in azir koman bann fou. Zot pa konn lavolonte SENYER, zot pa konnen sa ki Bondye i demande.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Zeremi 6:13

Gran koman pti, pe fer tou pour zot vin ris dan fason malonnet. Depi bann profet ziska bann pret, zot tou, zot koz manti.

Zeremi 7:28

Ou ava dir zot: Zot menm sa pep ki pa obei mwan, SENYER zot Bondye; sa pep ki pa oule aksepte lenstriksyon. Laverite in mor; personn nepli nonm sa mo.

Zeremi 9:20

Mon ti dir: Zot bann fanm! Ekout sa ki SENYER i deklare: Ouver zot zorey pour resevwar parol ki sorti dan son labous. Aprann sa kantik avek zot bann fiy sa lamantasyon avek kanmarad.

Zeremi 9:3

SENYER i deklare: Zot lalang i parey en fles. Mansonz in ranplas laverite dan sa pei. Mon pep i fer sa ki mal enn deryer lot. Zot refize rekonnet mwan koman zot Bondye.

Zeremi 9:7

Pour sa rezon, SENYER liniver i deklare: Mon pou pirifye mon pep parey ou pirifye metal dan dife; mon pou teste li. Ki mon kapab fer ankor avek mon pep?

Ezekyel 16:35

Alor prostitye! Ekout parol SENYER:

Oze 12:2

SENYER in fer en lakizasyon kont Zida. I pou pini Zakob dapre son move kondwit, e fer li peye pour son bann aksyon.

Oze 12:3

Dan vant son manman, i ti atrap son frer par son talon, e kan in grand, i'n lager avek Bondye.

Oze 5:1

Bann pret, ekoute! Pep Izrael, port byen atansyon! Bann lerwa, ekoute! Sa zizman i pour zot, akoz zot ti en pyez dan Mispa. Zot ti en latrap ki'n ganny zete lo montanny Tabor.

Oze 5:4

Zot bann aksyon pa permet zot retourn ver zot Bondye. Sa venen prostitisyon i tase dan zot, akoz zot pa konn SENYER.

Zoel 1:2

Ekout sa! Zot tou bann ansyen! Ekout byen! Zot zabitan Zida! Dir mwan: Eski en tel keksoz in deza arive dan zot lepok, oubyen dan lepok zot zanset?

Amos 3:1

Pep Izrael! Ekout parol ki SENYER i prononse kont ou, lo tou bann fanmir ki mon'n fer monte, sorti Lezip:

Amos 7:16

“Aprezan, ekout parol SENYER. Ou dir: Aret profetiz kont Izrael, aret pres kont lafanmir Izaak.

Mise 6:2

Bann montanny! Ekout lakizasyon ki SENYER i fer. Bann solid fondasyon later! Ekout lakizasyon ki SENYER i annan kont son pep. I'n konmans en prose kont Izrael.

Levanzil dapre Zan 8:55

Zot pa'n zanmen konn li. Me mwan, mon konn li. Si mon ti dir mon pa konn li, mon ti ava en manter parey zot. Me mon vreman konn li, e mon obei son parol.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

1 Korentyen 15:34

Serye zot, e aret fer pese. Serten parmi zot pa konn Bondye; sa i fer zot laont.

Revelasyon 2:11

Sa enn ki annan zorey! Ekout sa ki Lespri i dir avek bann Legliz. Sa enn ki ranport laviktwar, pa pou konn en dezyenm lanmor.

Revelasyon 2:29

Sa enn ki annan zorey! Ekout sa ki Lespri i dir avek bann Legliz.