Oze 3:4 - Labib An Kreol Seselwa

⁴ Pep Izrael pou reste lontan san en lerwa, san sef, san sakrifis, san ros sakre, ni rob pret, ni pti stati.

Oze 3:4 ပူးပေါင်းရင်းမြစ်များ

Zenez 31:19

Laban ti'n al koup lalenn lo son bann mouton e Rasel ti profite pour vol bann pti stati dan lakaz son papa.

Zenez 31:34

Rasel ti'n kasyet sa bann pti stati anba lasel samo e i ti'n asiz lo la. Laban ti rod dan latant, me i pa ti war nanryen.

Zenez 49:10

Pouvwar rwayal pou reste touzour dan fanmir Zida. Baton komann pou reste dan lanmen son desandans pour touzour. Bann nasyon pou annan respe pour li e obei li.

2 Samyel 6:14

David ti danse avek tou son lafors devan SENYER avek en lefod linenn otour li.

2 Rwa 23:24

Pour li realiz bann parol lalwa ki'n ganny ekri dan sa liv ki pret Hilkiya ti'n trouve dan tanp SENYER, Zozyas ti osi elimin tou dimoun ki envok bann lespri ek bann medyonm, bann pti stati bondye, bann gran stati ek tou bann pratik degoutan ki ti egziste dan pei Zida e dan Zerizalenm.

2 Kronik 15:2

I ti al kot lerwa Asa pour dir li: Asa ek tou pep Zida ek Benzamen! Ekout mwan byen. SENYER i avek zot osi lontan ki zot avek li. Si zot rod li, zot ava trouv li, si zot abandonn li, li osi pou abandonn zot.

Egzod 28:4

La bann labiyman ki zot ava fer: En pektoral, en lefod, en rob, en rob brode, en tirban ek en sentir. Zot ava fabrik sa bann ornman sakre pour ou frer Aaron ek son bann garson pour zot servi mwan koman pret.

Egzod 28:6

Zot ava fer lefod avek lor, lalenn kouler ble, rouz kler e rouz fonse, brode avek latwal linenn tre fen, en brodri rafinen.

Lamantasyon 2:9

Bann gran laport in ganny met ater. Bann fermtir in ganny kase an morso. Lerwa ek son bann zofisye in ganny anvoye annegzil. Lalwa nepli ganny ansennyen; bann profet nepli ganny vizyon sorti kot SENYER.

Ezekyel 19:14

Dife sorti dan son tron in bril tou son bann brans ek bann fri. I nepli annan okenn brans solid, pour fer baton rwayal. Sa poenm i ganny sante koman en kantik dey.

Ezekyel 20:32

Zot in met dan zot lespri ki zot pou vin parey lezot nasyon. Parey lezot pep dan lezot pei, zot oule ador bann pye dibwa ek ros. Me sa pa pou zanmen arive.

Ezekyel 21:21

Lerwa Babilonyen i debout dan krwaze semen pour tir osor. I sekwe son bann dart; i konsilte son bann stati; i egzamin lefwa zannimo.

Ezekyel 21:31

Mon pou devers lo ou tou mon lakoler. Mon pou soufle dife mon lakoler kont ou. Mon pou livre ou dan lanmen bann brit, bann eksper dan destriksyon.

Danyel 11:31

Bann troup anba son komann, pou antre e rann enpir sanktyer ek son fortifikasyon. Zot pou fer arete bann sakrifis ofer sak zour e etabli en pratik degoutan.

Danyel 12:11

Depi letan ki sakrifis tou le zour i ganny aboli, pour ki sa pratik degoutan i ganny etabli, pou annan 1,290 zour.

Danyel 9:27

I pou fer en lalyans solid avek bokou pour en semenn; e pandan lanmwatye en semenn, i pou fer arete sakrifis ek lofrann. En devastater pou met anplas en pratik degoutan, ziska son prop destriksyon, dapre sa ki'n ganny deside.

Oze 13:10

Oli ou lerwa, pour li sov ou? Dan tou ou bann lavil, oli ou bann sef? Pa ou ti dir: Donn mwan en lerwa ek bann sef?

Oze 13:11

Dan mon lakoler, mon ti donn ou en lerwa, e dan mon lakoler, mon pou repran li.

Oze 2:11

Mon pou fer arete son bann lanmizman, son bann lafet, son bann lafet nouvellin, son bann saba ek tou lezot seremoni.

Levitik 8:7

I ti met Aaron en semiz, anmar en sentir otour son leren, met li son rob avek lefod lo la, e anmar son sentir par deryer.

Zakari 10:2

Annefe, zot bann pti stati in koz mansonz; bann deviner in ganny fo vizyon. Zot bann rev ki zot rakonte, pa realize. Zot bann konsolasyon pa vo nanryen. Pour sa rezon, lepep i mars san direksyon parey bann mouton. Zot soufer akoz zot napa berze.

Zakari 13:2

La sa ki SENYER liniver i deklare: Mon pou debaras pei avek non bann zidol e personn pa pou mazin zot ankor. Mon pou osi debaras pei avek bann profet ek zot lanvi enpir.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Levanzil dapre Zan 19:15

Me zot ti konmans kriye, “Touy li! Touy li! Krisifye li!” Pilat ti demann zot, “Eski mon ava krisifye zot lerwa?” Bann gran-pret ti reponn, “Nou napa okenn lot lerwa apar Sezar.”

Ebre 10:26

Si nou kontinyen fer pese volonterman, apre ki nou'n konn laverite, pou nepli annan sakrifis ki kapab fer disparet nou pese.

Ziz 17:5

Konmsa, Mise ti ganny en sanktyer. I ti fer en rob pour pret mete ek bann pti stati ki reprezant en bondye. Apre, i ti met enn son bann garson koman pret.

Ziz 18:14

Alor, sa senk zonm ki ti'n al eksplor pei Lais, ti dir zot bann frer, “Eski zot konnen ki dan enn sa bann lakaz, i annan en rob pret, bann pti stati sakre ek en stati an metal? Aprezan, zot ki konnen ki pour fer.”

Ziz 8:27

Avek tousala, Zedeon ti fer en lefod ki i ti plas dan son lavil, Ofra. Pep Izrael antye ti vin ador la, avek li. Sa lefod ti vin en pyez pour Zedeon e pour son fanmir.

1 Samyel 14:3

Ahiya, garson Ahitoub frer Ikabod, garson Fineas, garson Eli, pret SENYER dan Silo ki ti met lefod. Bann zonm pa ti konnen ki Zonatan ti'n ale.

1 Samyel 15:23

Rebelyon i parey pese sorselri; larogans i osi grav ki ladorasyon pti stati bondye etranze. Akoz ou'n rezet laparol SENYER, li osi i'n rezet ou: Ou pou nepli lerwa.”

1 Samyel 2:18

Sa pti garson, Samyel, abiye dan en lefod fer avek latwal linenn, ti kontinyen servi SENYER.

1 Samyel 21:9

Sa pret ti reponn, “Lepe Golyat, sa Filisten ki ou ti touye dan vale Terebent, i la, anvlope dan lenz, deryer lefod; si oule, pran sanmenm, akoz napa lot isi.” David ti dir, “I ava bon, donn mwan.”

1 Samyel 22:18

Alor, lerwa ti dir Doeg, “Ale ou! Touy bann pret.” Doeg, sa Edomit, ti al touy sa bann pret. Sa zour, i ti touy 85 zonm ki port lefod linenn.

1 Samyel 23:6

Kan Abiatar, garson Ahimelek ti sove pour rezwenn David Keila, i ti'n desann avek son lefod dan lanmen.

1 Samyel 23:9

David ti aprann tou dimal ki Sail ti pe prepare kont li. I ti dir pret Abiatar, “Anmenn lefod.”

1 Samyel 30:7

David ti dir pret Abiatar, garson Ahimelek, “Anmenn mwan lefod.” Abiatar ti anmenn lefod kot David.