Oze 2:8 - Labib An Kreol Seselwa

⁸ I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Oze 2:8 ပူးပေါင်းရင်းမြစ်များ

1 Kronik 29:16

SENYER, nou Bondye! Tou sa larises ki nou'n prepare pour konstri ou tanp, en tanp pour ou non sen, i sorti kot ou. Tousala i pour ou.

Liv Zob 19:8

In bar mon semen pour anpes mwan pase; i'n met fernwanr dan mon semen.

Ezai 1:3

En bef i konn son met, en bourik i konn manzwar kot son met i donn li manze; me Izrael pa konn mwan; mon pep pa konpran.

Ezai 46:6

I annan ki gaspiy lor ki dan zot pos, ki pez larzan dan balans. Zot pey en lorfev pour li fer en bondye. Apre, zot tonm devan li e ador li.

Zeremi 7:18

Zanfan i al ranmas dibwa, zonm i alim dife e fanm i prepar lapat pour fer gato pour zot ofer Astarte, sa bondye ki zot apel larenn lesyel. Pour eksit mon lakoler, zot osi fer lofrann diven sa bann bondye etranze.

Ezekyel 23:41

Apre, zot in enstal zot lo en gro sofa e dres en latab devan. Zot in pran tou mon lansan ek mon delwil lesans e plas ansanm lo la.

Danyel 3:1

Lerwa Naboukodonozor ti fer en stati annor 30 met oter e trwa met larzer. I ti plas li dan laplenn Doura, dan provens Babilonn.

Danyel 5:23

Ou'n met ou kont SENYER lesyel. Ou'n fer anmenn bann istansil son tanp devan ou. Ou avek ou bann zofisye rwayal, ou bann fanm ek ou bann menazer, zot in bwar diven ladan. Ou'n loue bann bondye annarzan e annor, an bronz e an fer, an bwa e an ros, ki pa ni war kler, ni tande e ki napa konnesans. Ou pa'n rann glwar sa Bondye ki tenir ou lavi e ki kontrol tou ou bann aksyon dan son lanmen.

Oze 10:1

Izrael ti parey en pye rezen ki ti prodwi bokou fri. Pli i ti prospere, pli i'n ogmant bann lotel zidol. Pli son pei i zoli, pli i'n anbeli bann ros sakre.

Oze 13:1

Kan Efraim i koze, Izrael antye i tranble; i ti enportan dan Izrael, me par Baal, i ti rann li koupab e in mor.

Oze 13:2

Aprezan i kontinyen fer pese e fer stati an metal, avek zot larzan; avek zot lar, zot ti fabrik bann zidol. Zot ti dir: Ofer sakrifis devan zot! Bann imen ti pe anbras bann zenn toro.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 4:11

Diven ek diven nouvo i fer perdi latet.

Oze 8:4

Zot swazir zot lerwa, me san mon lakor. Zot etabli bann sef, me san fer mwan konnen. Zot fabrik zot zidol avek zot larzan ek zot lor, me in anmenn zot destriksyon.

Habakouk 1:16

Pour sa rezon, zot ofer en sakrifis an loner zot lasenn e bril lansan devan zot karle. Annefe, akoz sa, ki zot in atrap bokou pwason, e manz bann bon repa.

Levanzil dapre Lik 15:13

Detrwa zour apre, sa zenn garson ti vann tou sa ki i ti'n gannyen e antreprann en vwayaz pour en pei byen lwen. Laba, i ti goberz tou son larzan dan en lavi dezordonnen.

Romen 1:28

Ensi, akoz zot in refize rekonnet Bondye, Bondye in les zot ale avek zot lespri deregle dan bann pratik onte.

Deterononm 8:18

Rapel byen SENYER, ou Bondye akoz ou lafors ek ou larises i sorti kot li. Konmsa, i ava etabli son lalyans ki i ti fer par en serman avek ou bann zanset; sa ki i pe fer ozordi.

Ziz 9:27

Zot ti al dan lakanpanny pour rekolte zot rezen ki zot ti kraze pour fer diven e apre, fer lafet. Zot ti al dan tanp zot bondye kot zot ti manze e bwar; apre, zot ti modi Abimelek.