Oze 2:5 - Labib An Kreol Seselwa

⁵ Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 2:5 ပူးပေါင်းရင်းမြစ်များ

Ezai 1:21

Koman eski sa lavil ki ti fidel in vin en prostitye? La kot ti annan respe pour lazistis ek ladrwatir, aprezan sa lavil i ranpli avek kriminel.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Zeremi 11:13

Dan Zida, sak lavil i annan son prop bondye; bann zabitan Zerizalenm in konstri dan sak semen dan lavil en lotel kot zot ofer sakrifis an loner Baal.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 6:8

Pep Zerizalenm! Aksepte koreksyon. Sankwa, mon pou abandonn ou; mon pou fer ou vin parey en dezer, an landrwa kot personn pa pou kapab reste.

Ezekyel 16:35

Alor prostitye! Ekout parol SENYER:

Ezekyel 16:39

Mon pou livre ou dan lanmen ou bann galan e zot ava kraz ou bann lakaz prostitisyon ek ou bann landrwa sakre. Zot pou met ou touni, pran tou ou bann bizou e kit ou konpletman touni.

Ezekyel 16:4

Kan ou ti ne, personn pa ti koup ou lonbri, personn pa ti lav ou avek delo, ni frot ou avek disel, ni anvlop ou dan en drapo.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 2:2

Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Oze 2:8

I pa ti'n konpran sa: Mwan ki ti pe donn li dible, diven ek delwil. Mon ti donn li larzan ek lor, me i ti servi pour ofer Baal.

Oze 3:1

SENYER ti dir mwan ankor: Ale e kontan ankor en fanm adilter ki annan en galan. Kontan li parey SENYER i kontan pep Izrael, menm si zot al ver lezot Bondye e zot kontan pake rezen.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Oze 8:9

Zot in al Asiri parey en bourik sovaz ki tousel. Efraim in bezwen peye pour li ganny galan.

Oze 9:10

Mon ti trouv pep Izrael konmsi zot ti rezen dan dezer. Mon ti war zot zanset konmsi ti bann premye fig lo pye. Me zot ti al ver Baal-Peor. Zot ti konsakre zot avek en lobze laont, zot in vin degoutan parey sa bann lobze ki zot kontan.

Amos 8:13

Sa zour la, bann zoli zenn fiy ek bann zoli zennzan pou perdi konnesans akoz laswaf.

Ziz 16:23

Bann sef Filisten ti rasanble pour ofer en gran sakrifis pour zot bondye, Dagon, e osi pour fer lafet. Zot ti dir, “Nou bondye in livre nou lennmi Sanmson, dan nou lanmen.”