Oze 2:3 - Labib An Kreol Seselwa

³ Sankwa, mon pou tir li touni, parey i ti ete zour son nesans. Mon pou fer teritwar Izrael vin en dezer; mon pou fer li vin en later konpletman sek. Mon pou fer li mor laswaf.

Oze 2:3 ပူးပေါင်းရင်းမြစ်များ

Egzod 17:3

Annefe, lepep ti swaf e zot ti mirmire kont Moiz, “Akoz ou'n fer nou sorti Lezip? Eski ou anvi touy nou, nou bann zanfan ek nou zannimo par laswaf?”

Ezai 33:9

Pei i an dey, i pe langir; Liban i ganny kouver avek laont, i pe deperi; Laplenn Saronn in vin parey en dezer; Bann pye dibwa lo montanny Basann ek Karmel in perdi zot fey.

Ezai 47:3

Dimoun ava war ou touni e zot ava war sa ki fer ou laont. Mon pou revanze e mon pa pou eparny personn.

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Zeremi 12:10

Bann berze avek zot troupo in detri mon plantasyon rezen. Zot in pil lo mon later; zot in transform mon zoli plantasyon e fer li vin en dezer ranpli avek latristes.

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Zeremi 13:26

Mwan osi, mon pou lev ou rob lo ou figir e tou dimoun ava war ou touni.

Zeremi 14:3

Bann sef in anvoy bann serviter rod delo; zot al kot bann sitern, me zot pa trouv delo. Zot retourn avek zot potao vid. Dekouraze, kanmi, zot kasyet zot ti kouver zot latet.

Zeremi 17:6

I parey en zarbis dan dezer ki pouse dan en later sek, dan en later vid, ranpli avek disel kot nanryen pa pouse, kot personn pa reste.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Zeremi 2:6

Zot pa ti dir: Nou bezwen retourn kot SENYER ki'n fer nou sorti Lezip, ki'n gid nou dan dezer, kot i annan presipis, kot nanryen pa pouse. I fernwanr, napa personn ki reste e personn pa pase la.

Zeremi 22:6

Annefe, la sa ki SENYER i deklare kont pale lerwa Zida: Pour mwan, ou osi zoli ki lafore Galaad, ki latet montanny Liban. Me san fot, mon pou fer ou vin en dezer, en lavil san zabitan.

Zeremi 4:26

Mon ti gete: Sa pei fertil in vin en dezer; tou son bann lavil ti'n ganny detri. Tousala, in arive akoz gran lakoler SENYER.

Zeremi 51:43

Pa gou war son bann lavil; zot in vin en dezer kot personn pa reste, kot personn pa ni menm pase.

Zeremi 51:5

Izrael ek Zida, pa'n ganny prive par zot Bondye, SENYER liniver; menm si pei Babilonn i ranpli avek pese kont Bondye Sen Izrael.

Ezekyel 16:22

Dan tou sa bann aksyon degoutan ek ou prostitisyon, ou pa ti mazin lepok ou lazenes, kan ou ti touni, san nanryen lo ou, kan ou ti pe debat dan ou disan.

Ezekyel 19:13

Aprezan, i'n ganny transplante dan dezer, dan en later sek e san delo.

Oze 13:15

Menm si i pous byen parey move zerb, divan Les pe vini, SENYER pou anvoy li sorti dan dezer. Tou son sours delo, tou son pwi pou sek. Ou pou ganny depouye avek tou ou bann trezor.

Oze 2:10

Aprezan, mon pou tir li touni devan son bann galan. Personn pa pou delivre li dan mon lanmen.

Revelasyon 17:16

Sa dis korn ki ou ti war ek sa bebet, pou ay sa prostitye. Zot pou depouy li avek tou sa ki i posede e kit li touni. Zot pou devor son laser e bril li avek dife.

Ziz 15:18

En gran laswaf ti pran li. Alor, i ti priy SENYER, “Ou ki'n donn mwan, ou serviter, sa gran laviktwar. Aprezan, eski mon pou mor laswaf e tonm dan lanmen sa bann ensirkonsi?”