Oze 2:20 - Labib An Kreol Seselwa

²⁰ Mon pou reganny ou par mon fidelite e ou ava konn SENYER.

Oze 2:20 ပူးပေါင်းရင်းမြစ်များ

Zenez 9:10

osi avek tou kreatir vivan ki avek ou: Zwazo, zannimo domestik, zannimo sovaz, tou bann ki'n sorti dan lars avek ou; tou zannimo lo later.

Ezai 2:4

I pou rann zizman ant bann nasyon e donn konsey en kantite pep. Zot ava fer avek zot lepe zouti ki kiltiv later, servi zot lans koman en sekater pour tay brans. Nasyon pa pou pran zarm kont en lot; zot pou nepli aprann fer lager.

Ezai 62:4

Ou pou nepli ganny apele Abandonnen; ou later pou nepli ganny apele Dezolasyon. Me ou pou ganny apele Mon Plezir; ou later pou apel Madanm Marye, akoz ou fer plezir SENYER e later ava vin en mari pour li.

Zeremi 24:7

Mon pou donn zot en leker, pour ki zot rekonnet ki mwan SENYER. Zot ava retourn kot mwan avek tou zot leker. Zot ava mon pep e mwan, mon pou zot Bondye.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 32:41

Mon pou pran plezir fer zot dibyen. Mon pou met tou mon leker e mon et antye pour ki zot enstal zot definitivman dan sa pei.

Zeremi 9:24

Si en dimoun i oule fer vantar, fer li akoz i ase malen pour konn mwan. Mwan, SENYER, mon azir avek fidelite, lazistis e avek drwatir. Sanmenm sa ki fer mwan plezir. SENYER i deklare.

Ezekyel 16:62

Mon pou renouvle mon lalyans avek ou. Konmsa ou ava konnen ki mwan menm SENYER.

Ezekyel 16:8

Mon ti repas la kot ou ti ete e mon ti get ou; ou ti'n ganny laz pour fer lanmour. Alor, mon ti kouver ou avek en bout mon lenz, akoz ou ti touni. Mon ti promet ou fidelite e fer en lalyans avek ou; ou ti vin pour mwan. Senyer BONDYE ki'n deklare.

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Ezekyel 34:27

Bann pye fri dan lakanpanny pou raporte e later pou donn son prodwi; zot pou viv an sekirite dan zot pei. Zot ava konnen ki mwan menm SENYER, kan mon ava kas zot lasenn e delivre zot anba pouvwar bann ki'n fer zot lesklav.

Ezekyel 38:23

Konmsa ki mon pou montre tou nasyon ki mon en Bondye gran e sen. Alor, zot ava konnen ki mwan menm SENYER.

Oze 13:4

Sepandan, mwan ki SENYER, zot Bondye depi ki zot in sorti Lezip. Zot pa'n konn okenn lot Bondye eksepte mwan; apard mwan, napa en lot sover.

Oze 2:19

Mon pou fer ou vin mon fanm pour touzour; Ou ava vin mon fanm par lazistis, fidelite ek lanmour.

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

Levitik 26:5

Zot ava bat dible ziska letan rekolt rezen. Zot ava rekolte rezen ziska letan pour senm legren i ariv ankor. Zot ava manz zot dipen ziska zot ava rasazye. Zot ava viv an sekirite dan zot pei.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Mise 4:3

I ava rann zizman ant bann nasyon. I ava ziz bann nasyon pwisan ki menm lwen. Avek zot lepe, zot pou fabrik pyos e avek zot lans zot pou fer fosi. Pou nepli annan lager ant bann nasyon. Zot pou nepli aprann fer lager.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Matye 11:27

Mon Papa in donn mwan tou keksoz. Personn pa konn son Garson, eksepte son Papa, e personn pa konn son Papa, eksepte son Garson ek bann ki son Garson in swazir pour revel son Papa.

Levanzil dapre Lik 10:22

Mon Papa in donn mwan tou pouvwar. Personn pa konnen ki son Garson i ete, eksepte son Papa, e personn pa konn mon Papa, eksepte son Garson ek bann ki son Garson in swazir pour revel li.”

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Levanzil dapre Zan 8:55

Zot pa'n zanmen konn li. Me mwan, mon konn li. Si mon ti dir mon pa konn li, mon ti ava en manter parey zot. Me mon vreman konn li, e mon obei son parol.

2 Korentyen 4:6

Annefe, Bondye ki'n dir: Lalimyer pour briye omilye teneb. Se li menm ki'n briye dan nou leker, pour donn lalimyer konnesans son laglwar ki ilimin vizaz Kris.

Filipyen 3:8

Wi! Mon menm konsider tou keksoz koman en pert, konpare avek sa byen ki bokou pli siperyer: konnesans Zezi-Kri mon Senyer. Pour li, mon pa'n rod okenn avantaz personnel. Mon konsider tousala koman salte, pour mwan ganny Kris,

Kolosyen 1:10

Konmsa, zot ava kapab viv en lavi ki Bondye i aprouve e ki fer li plezir dan tou sa ki zot fer. Konmsa, par zot bann bon aksyon, zot ava prodwir fri e progrese dan konnesans Bondye.

2 Timote 1:12

Pour sanmenm sa rezon ki mon pe soufer. Me mon pa onte, akoz mon konnen dan ki mon'n met mon konfyans. Mon osi sir ki i kapab gard sa ki i'n konfye mwan ziska sa Zour.

Ebre 8:11

Personn pa pou ansenny kanmarad. Personn pa pou ansenny son frer an dizan: Konn Senyer. Annefe, zot tou, zot pou konn mwan, depi pli pti ziska pli gran.

1 Zan 4:6

Me nou, nou pour Bondye, e sa enn ki konn Bondye i ekout nou. Me sa enn ki pa pour Bondye pa ekout nou. Konmsa menm ki nou kapab rekonnet ant Lespri Laverite ek lespri lerer.

1 Zan 5:20

Nou konnen ki Garson Bondye in vini. I'n donn nou disernman pour konn sa enn ki vre Bondye. Nou, nou reste ini avek vre Bondye, gras a son Garson Zezi-Kri. Li menm vre Bondye; li menm lavi eternel.