Oze 2:2 - Labib An Kreol Seselwa

² Fer en prose kont Izrael, ou manman. I nepli mon fanm, e mon nepli son mari! Fer li efas bann mark prostitisyon ki lo son figir. Fer li tir sa bann mark adilter ki ant son tete!

Oze 2:2 ပူးပေါင်းရင်းမြစ်များ

Ezai 11:12

I pou lev en bannyer pour bann nasyon, reinir bann ki dan Izrael e rasanble pep Zida disperse dan kat kwen later.

Ezai 50:1

La sa ki SENYER i deklare: Oli let divors ki prouve ki mon'n divors ou manman? Oubyen avek ki mon'n vann ou? Non, ou'n ganny vann akoz zot bann pese e ou manman ti ganny divorse akoz zot bann fot.

Ezai 58:1

Kriy byen for! Pa per pou fer tande ou lavwa! Fer ou lavwa rezonnen parey en tronpet! Dir mon pep son bann fot e desandan Zakob son bann pese.

Zeremi 19:3

Ou ava dir zot: Lerwa Zida, e zabitan Zerizalenm! Ekout parol SENYER. La sa ki SENYER liniver, Bondye Izrael i deklare: Gete! Mon pou anvoy en tel dezas lo sa later, ki tou dimoun ki ava antann sa ki'n arive pou tranble ek lafreyer.

Zeremi 2:2

al proklanm sa mesaz avek tou bann zabitan Zerizalenm. La sa ki SENYER i deklare: Mon rapel byen koman zot ti reste fidel anver mwan kan zot ti zenn; koman zot ti kontan mwan kan nou ti'n fek marye. Zot ti swiv mwan dan dezer, dan en pei kot zonm pa senmen.

Zeremi 3:1

La sa ki SENYER i deklare: Kan en zonm i divorse avek son fanm, e sa fanm i kit li pour en lot zonm, son mari pou kapab repran li ankor? Si i fer sa, pa i pe rann pei enpir? Sa ki Izrael in fer: In prostitye li avek en kantite lanmoure. Aprezan i oule retourn kot mwan!

Zeremi 3:13

Zis rekonnet ki ou'n fer sa ki mal e ki ou'n revolte kont SENYER ou Bondye. Avoue ki ou'n donn ou lanmour bann bondye etranze i ki ou pa'n obei mon komannman, SENYER i deklare. La sa ki SENYER i deklare:

Zeremi 3:18

Sa zour la, Zida pou vin ansanm avek pep Izrael. Zot pou sorti dan pei Nor, kot zot in viv annegzil, pour zot vin dan sa pei ki mon'n donn zot zanset, koman en patrimwann.

Ezekyel 16:20

Ou ti pran ou bann garson ek ou bann fiy ki ou ti'n fer avek mwan e ou ti ofer zot koman sakrifis pour zot ganny devore. Eski ou lavi prostitisyon pa ti ase?

Ezekyel 16:25

Dan tou kwen semen, ou ti annan bann lakaz kot ou ti servi ou labote e livre ou lekor avek tou sa ki pase. Tou le zour, ou lavi prostitisyon ti ogmante.

Ezekyel 20:4

Dir mwan, ou ki en imen, eski ou pou ziz zot? Alor, dir zot bann pratik degoutan ki zot zanset ti komet.

Ezekyel 23:43

Mon ti dir: En fanm ki'n ize dan lavi adilter, i kontinyen ganny servi dan prostitisyon.

Ezekyel 23:45

Bann zonm zis pou pas zizman lo zot koman bann adilter, parey bann kriminel i ganny zize. Annefe, zot in komet adilter e zot ti annan disan lo zot lanmen.

Oze 1:2

La ki mannyer SENYER ti konmans koz avek pep Izrael atraver Oze. I ti dir Oze: Al marye avek en fanm prostitye, e ou zanfan ava ne dan prostitisyon. Pep sa pei in tonm dan prostitisyon, akoz zot in abandonn SENYER.

Oze 2:1

Dir ou bann frer: Ami! Setadir Mon Pep. Dir osi ou bann ser Rouama! Setadir: Mon Byenneme!

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 4:5

An plen zour, ou pou tonbe. Bann profet ki kot ou, pou osi tonbe pandan lannwit. Mon pou detri ou manman.

Mise 2:13

Sa enn ki ouver en pasaz pou sorti devan. Zot pou ouver en pasaz, pas par laport e sorti. Zot lerwa i mars devan zot. SENYER i gid zot.

2 Korentyen 5:16

Alor, dezormen, nou nepli konn personn lo kote imen. Si otrefwa, nou'n konn Kris dapre lespri imen, aprezan, nou nepli konn li konmsa.