Oze 2:12 - Labib An Kreol Seselwa

¹² Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Oze 2:12 ပူးပေါင်းရင်းမြစ်များ

Psonm 80:12

Akoz ou'n defons son bann baraz e les bann pasan vol son bann fri?

Ezai 29:17

Eski dan en pti pe letan, Liban pa pou vin en plantasyon avek en kantite pye fri; plantasyon pye fri pou vin en lafore?

Ezai 5:5

Aprezan, les mwan dir zot ki mon pou fer avek mon plantasyon rezen: Mon pou tir bann klotir e les li ganny devore. Mon pou kas son bann miray e les li ganny kraze anba lipye.

Ezai 7:23

Sa zour, la kot ti annan en plantasyon rezen, en valer 1,000 pyes larzan, pou annan zis bann zarbis pikan.

Zeremi 13:26

Mwan osi, mon pou lev ou rob lo ou figir e tou dimoun ava war ou touni.

Zeremi 26:18

Kan Ezekyas ti lerwa Zida, Mise ki sorti Moreset, ti dir avek pep Zida: La sa ki SENYER liniver i deklare: Siyon pou ganny laboure parey en later; Zerizalenm pou vin en ta ros, e kolin kot tanp in ganny konstri, pour vin en oter kouver avek brousay.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Zeremi 8:13

Mon'n deside fini avek zot tou: Nepli annan rezen dan plantasyon; lo pye fig napa okenn fri; son bann fey in fletri. Alor, mon pou les bann etranze pran sa ki mon'n donn zot. SENYER ki deklare.

Oze 13:8

Mon pou atak zot parey en lours ki'n perdi son bann piti; mon pou desir zot lapo leker; parey en femel lyon, mon pou devor zot, parey bann zannimo sovaz.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Oze 5:14

Annefe, mon pou parey en lyon pour Efraim, e parey en zenn lyon pour pep Zida. Mon pou desir li, apre mon pou ale. Sa ki mon pou anmenn avek mwan, personn pa pou kapab delivre li.

Oze 9:1

Izrael, pa bezwen rezouir! Aret selebre parey lezot nasyon. Ou'n tonm dan prostitisyon lwen avek ou Bondye e ou'n pran larzan partou kot ou bat dible.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.