Oze 14:9 - Labib An Kreol Seselwa

⁹ Bann ki annan lasazes ava konpran sa. Bann ki annan disernman i konnen. Semen SENYER i drwat. Dimoun ki drwat pou swiv, me bann rebel pou tonbe.

Oze 14:9 ပူးပေါင်းရင်းမြစ်များ

Zenez 18:25

Ou pa kapab detri bann zis ansanm avek bann koupab. Sa enn ki zis pa kapab annan menm sor avek sa enn ki koupab! Eski menm bann ziz sa later antye pa pou azir dapre lazistis?”

Liv Zob 17:9

Sa enn ki zis i reste ferm dan son semen. Sa enn ki son lanmen i prop i vin pli determinen.

Psonm 107:43

Bann ki saz! Pran kont lo tousala e konpran ki SENYER i fidel.

Psonm 119:128

Alor, mon swiv tou ou bann direktiv akoz zot zis. Mon deteste tou semen mansonz.

Psonm 119:75

Mon konnen SENYER, ki ou bann zizman i zis e ou'n byen fer imilye mwan.

Psonm 84:5

Byennere sa bann ki pran ou pour sours zot lafors; dan zot leker i annan en semen ki al ziska Montanny Siyon.

Psonm 84:7

Zot avanse touzour pli for. Bondye ki pli gran ki tou bondye ava paret dan Siyon.

Proverb 10:29

Bann plan SENYER i protez sa enn ki drwat; me zot anmenn destriksyon lo bann malfeter.

Proverb 16:21

Sa enn ki leker i saz i annan disernman; en parol ki fer plezir i ogmant son savwar.

Proverb 4:18

Me semen sa enn ki zis i parey lalimyer granmaten ki vin deplizanpli for ziska midi.

Ezai 1:28

Me bann rebel ek bann peser pou ganny detri ansanm; bann ki abandonn SENYER pou ganny pini.

Ezai 17:8

Zot pou nepli pran kont bann lotel ki travay zot prop lanmen; ni sa ki zot in fabrike avek zot ledwa. Zot pou nepli annan lentere pour bann poto sakre Asera ni bann lotel lansan.

Ezai 26:7

Semen lazistis i drwat. Ou ki zis! Fer drwat semen sa enn ki zis.

Zeremi 29:12

Alor, ou ava envok mwan e ou ava kapab ale. Ou ava priy mwan e mon ava antann ou lapriyer.

Zeremi 9:12

Eski i annan en dimoun saz pour eksplike akoz sa pei in ganny devaste, e akoz in vin sek parey en dezer kot personn nepli pase?

Ezekyel 11:18

Kan zot ava'n retournen, mon pou fer disparet bann pratik degoutan ek bann lobze degoutan.

Ezekyel 18:25

Pourtan zot dir: Sa ki SENYER i fer pa zis. Ekoute pep Izrael! Eski mwan ki pa zis oubyen plito zot ki mal azir?

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Danyel 12:10

Bokou pou ganny pirifye, lave e netwaye; me bann malfeter pou kontinyen persiste dan sa ki mal. Okenn bann malfeter pa pou konpran, me sa enn ki annan disernman ava konpran.

Sofoni 3:5

Dan lavil, SENYER i montre lazistis. I pa fer nanryen ki enzis. Tou le bomaten, san zanmen manke, i rann son zizman. Malgre sa, malfeter i azir san okenn laont.

Zakari 10:6

Mon pou donn pep Zida ki'n plis kouraz e mon pou sov pep Izrael. Mon pou fer zot retournen, akoz mon annan konpasyon pour zot. Zot ava konmsi zanmen mon'n rezet zot. Mwan menm SENYER zot Bondye e mon pou egzos zot.

Matye 11:19

Fis-de-Lonm in vini; i manze e i bwar, e zot dir: Gete! I mazin zis manze e bwar, i zanmi bann kolekter taks ek dimoun ki annan move repitasyon. Me Lasazes i ganny zistifye par son bann aksyon.”

Levanzil dapre Lik 2:34

Simeon ti beni zot. Apre, i ti dir avek Mari: Sa pti zanfan in ganny swazir pour abes e relev bokou dimoun dan Izrael. I pou en siny kontradiksyon.

Levanzil dapre Lik 7:23

Byennere sa enn ki pa refize krwar dan mwan!”

Levanzil dapre Zan 15:24

Zot pa ti pou koupab si mon pa ti'n fer sa bann aksyon ki personn pa'n deza fer. Me aprezan, zot in war tou aksyon ki mon'n fer e zot ay nou, mwan ek mon Papa.

Levanzil dapre Zan 18:37

Pilat ti dir li, “Alor ou en lerwa?” Zezi ti reponn li, “Ou menm ki dir mon en lerwa. Mon'n ne e mon'n vin dan lemonn pour servi koman temwen laverite. Dimoun ki pour laverite, pou ekout mon lavwa.”

Levanzil dapre Zan 8:47

Sa enn ki pour Bondye, i ekout sa ki Bondye i dir. Me zot, zot pa pour Bondye. Pour sa rezon ki zot pa oule ekoute.”

Levanzil dapre Zan 9:39

Alor, Zezi ti dir, “Mon'n vin dan sa lemonn pour en zizman: Pour ki bann aveg i war kler, e bann ki war kler i vin aveg.”

Akt de Zapot 13:10

I ti dir li, “Ou piti dyab, lennmi tou sa ki byen, ranpli avek riz ek malis! Kan eski ou pou arete fos laverite ek plan Senyer?

Romen 7:12

Lalwa li menm i sen, e komannman i sen, zis e bon.

Deterononm 32:4

I en Ros protekter. Son bann aksyon i parfe e tou son bann semen i zis. I en Bondye fidel, zanmen enzis. I zis e drwat.

Revelasyon 15:3

Zot ti pe sant kantik Moiz, serviter Bondye, ek kantik Zenn Mouton: Senyer Bondye Toupwisan! Ou travay i gran e merveye. Lerwa bann nasyon! Tou ou bann plan i zis e vre.