Oze 14:8 - Labib An Kreol Seselwa

⁸ Efraim! Ki i annan ant mwan ek ou bann zidol? Se mwan ki reponn e pran swen avek ou. Parey en pye dibwa byen ver, mon ava kouver ou anba mon feyaz. Mwan ki fer ou donn fri.

Oze 14:8 ပူးပေါင်းရင်းမြစ်များ

Liv Zob 33:27

Alor, i sante devan tou dimoun: Mon'n fer pese, mon pa'n fer sa ki drwat e mon pa'n ganny trete parey mon ti merite.

Liv Zob 34:32

Montre mwan sa ki mon pa ankor war. Si mon'n komet lenzistis, mon pa pou fer ankor.

Ezai 41:19

Mon pou fer pye sed, akasya, mirt ek pye zoliv pouse dan dezer. Dan bann landrwa sek, mon pou fer pouse ansanm, toudsort pye dibwa.

Ezai 55:13

Pye sipre pou pous dan plas brousay; dan plas bann plant pikan, bann plant odoran pou pouse. Sa ava en loner pour SENYER, en siny pour touzour. I pa pou zanmen ganny detri.

Ezai 60:13

Bann diferan kalite pye dibwa ki fer laglwar Liban, pou ganny anmennen kot ou. Zot pou fer en zoli dekor dan mon sanktyer, e mon pou glorifye sa landrwa kot mon repoz mon lipye.

Ezekyel 17:23

Mon pou plant li lo en montanny ki domin Izrael. I pou ganny bokou brans; i pou raport fri; i pou vin en zoli pye sed. Tou kalite zwazo pou apoz lo la. Zot pou fer zot nik dan lonbraz son bann brans.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Levanzil dapre Lik 15:20

Alor, i ti leve e retourn kot son papa. I ti ankor ase lwen avek lakour, kan son papa ti war li. Son leker ti touse avek konpasyon. I ti taye, ser son garson dan son lebra e anbras li.

Levanzil dapre Zan 1:16

Annefe, dan son gran lanmour, nou tou nou'n resevwar lagras annabondans.

Efezyen 5:9

akoz lalimyer i prodwi bokou kalite: Labonte, ladrwatir, ek laverite.

Filipyen 1:11

Alor, zot lavi ava ranpli avek bann fri lazistis ki Zezi-Kri i prodwir, pour mazeste ek louanz Bondye.

Filipyen 2:13

Annefe, Bondye i travay dan zot. I donn zot lavolonte e i rann zot kapab pour akonpli tou, dapre son prop plan.

Filipyen 4:13

Mon kapab fer fas avek tou difikilte gras a Kris ki donn mwan lafors.

1 Tesalonisyen 1:9

Dimoun i rakonte ki mannyer zot in akey nou e koman zot in abandonn bann zidol pour servi Bondye ki vivan e vre.

Let Zak 1:17

Tou don ekselan, tou kado parfe i sorti lao kot Bondye, Papa tou lalimyer ki pa zanmen sanze. Kot li napa menm lonbraz en sanzman.